Veiði

Rjúpnaveiðin byrjar á morgun

Karl Lúðvíksson skrifar
Rjúpnaveiðar byrja á morgun
Rjúpnaveiðar byrja á morgun

Það bíða eflaust margir eftir því að ganga á fjöll um helgina í leit að rjúpu en á morgun föstudag hefst veiðin.

Það er sama fyrirkomulag og hefur verið undanfarin ár að það er veitt fjórar helgar frá föstudegi til laugardags en rjúpnaskyttur hafa nokkuð lengi verið ósáttir við þetta fyrirkomulag.  Menn hafa bent á að þetta gerir það að verkum að oft sé verið að fara af stað í slæmum skilyrðum og eins þá staðreynd að ekki hefur verið sýnt fram á að veiðar skipti nokkru máli varðandi stærð stofnsins svo einhverju nemi.

Það hefur verið mikil umræða um rjúpnaveiðar og það lítur ekki út fyrir að aðilar máls séu sammála um hvaða aðferðarfræði væri best til að gæta öryggis veiðimanna sem og að gæta þess að stofninn sé áfram sjálfbær.  Við hvetjum þá sem ætla að ganga til rjúpna að gæta að því að vera vel búnir, láta vita af ferðum sínum og fari ekki af stað sé slæmt veður.  Nokkrir hlutir sem þú þarft að hafa með eru t.d. GPS tæki, sími og neyðarljós.  Það er alltaf mikil umferð af veiðimönnum fyrstu helgina og margir af þeim sem ganga ná því sem þeir þurfa á fyrstu helginni og leggja svo byssunni og telja niður til jólanna.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.