Innlent

Gul viðvörun og skilyrði varasöm vegfarendum

Kristín Ólafsdóttir skrifar
Þónokkru hvassviðri er spáð um suðaustan- og austanvert landið.
Þónokkru hvassviðri er spáð um suðaustan- og austanvert landið. Vísir/Stefán

Hvasst verður á austurhelmingi landsins seinnipartinn í dag en annars staðar verður vindur þó aðeins hægari. Búist er við éljum, einkum norðaustantil en lægja mun í fyrramálið.

Gul viðvörun Veðurstofu er í gildi á Austfjörðum og Suðausturlandi þangað til á morgun en gert er ráð fyrir hviðum allt að 35 m/s. Veðurstofan segir að þessi skilyrði geti verið varasöm vegfarendum með aftanívagna og stórum bílum, sem taka á sig mikinn vind.

Þá gerir vaxandi suðaustanátt á morgun, með hvassviðri og rigningu eða slyddu vestast á landinu annað kvöld. Veðrið færist síðan austur yfir landið aðfaranótt sunnudags. Þeim sem hyggja á útivist er því bent á að fylgjast vel með veðri þar sem það fer hratt versnandi á austanverðu landinu síðdegis í dag, og vestantil annað kvöld.

Veðurhorfur á landinu næstu daga:

Á laugardag:
Hæg breytileg átt, yfirleitt bjartviðri og frost 0 til 8 stig. Vaxandi sunnanátt seinnipartinn, þykknar upp og hlýnar, 13-18 m/s og fer að rigna S- og V-lands um kvöldið, en slydda eða snjókoma í uppsveitum. Annars hægara og þurrt. 

Á sunnudag:
Sunnan 10-18 m/s með rigningu eða slyddu, en snjókomu til fjalla. Þurrt að kalla NA-til. Hiti 2 til 7 stig á láglendi. Snýst í hægari suðvestanátt með skúrum eða éljum undir kvöld og kólnar, fyrst V-lands. 

Á mánudag:
Fremur hægir suðlægir vindar og stöku él, en strekkingur og rigning með A-ströndinni. Fremur svalt í veðri. 

Á þriðjudag og miðvikudag:
Austlæg átt með rigningu eða slyddu á köflum, en yfirleitt úrkomuminna um landið vestanvert. Hiti 0 til 4 stig að deginum. 

Á fimmtudag:
Útlit syrir norðlæga átt með ofankomu fyrir norðan, en hægari og bjartviðri sunnantil. Frost um mest allt land.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.