Viðskipti innlent

Efling vill flytja fjármuni frá Gamma

Stefán Ó. Jónsson skrifar
Sólveig Anna Jónsdóttir, formaður Eflingar.
Sólveig Anna Jónsdóttir, formaður Eflingar. Vísir/Vilhelm

Stjórn Eflingar samþykkti í sumar að færa 1,4 milljarða úr eignastýringu hjá Gamma, en um er að ræða alla sjóði sem verkalýðsfélagið var með í stýringu hjá félaginu. Markaðurinn, fylgirit Fréttablaðsins, sagði það vekja undrun að Efling, sem gagnrýnt hefur umsvif Gamma á leigumarkaði og bendlað félagið við „taumlausa græðgi fjármagnsaflanna“, skyldi vera með sjóði þar í stýringu.

Í yfirlýsingu á vef Eflingar er brugðist við skrifum Markaðarins og tekið fram að stjórn verkalýðsfélagsins hafi tekið ákvörðun þann 7. júní síðastliðinn að láta færa alla sjóði úr stýringu hjá Gamma. Daníel Örn Arnarson, stjórnarmaður í Eflingu hafi borið tillöguna upp og að samþykkt bókun hafi verið svohljóðandi:

Dálkurinn sem birtist í Markaðnum.

„Samþykkt er að fela fjármálastjóra að taka fjármuni Eflingar út úr stýringu hjá Gamma og fjárfesta annars staðar í samræmi við lög og reglur félagsins.“

Í yfirlýsingunni er haft eftir Sólveigu Önnu Jónsdóttur, formanni Eflingar, að henni þyki kostulegt að sjá „málpípur auðvaldsins gagnrýna Eflingu án þess að vita neitt í sinn haus.“ Markaðurinn hafi þannig ekki leitað til Eflingar áður en fullyrt var um „áherslur nýrrar stjórnar“ Eflingar.

„Að sjálfsögðu er engin auðveld leið fyrir verkalýðsfélag að eiga og ráðstafa sjóðum í kapítalísku samfélagi. En að eiga í viðskiptum upp á milljarða við fyrirtæki sem byggist á fjárplógsstarfsemi gegn okkar fólki, lágtekjufólki á leigumarkaði, er fullkomlega óboðlegt og auðvitað hættum við því strax,“ er haft eftir Sólveigu á vef Eflingar.

Hún segir í samtali við Ríkisútvarpið  að ekki hafi verið enn tekin ákvörðun um það hvert skuli færa fjármuni félagsins. Þangað til verði þeir áfram í stýringu hjá Gamma, það sé þó aðeins tímaspursmál hvenær fjármunirnir verða fluttir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.