Enski boltinn

Chelsea mun gera allt til þess að halda Hazard

Anton Ingi Leifsson skrifar
Hazard gæti verið á förum.
Hazard gæti verið á förum. vísir/getty
Chelsea mun gera allt í sínu valdi til þes að halda Eden Hazard á Stamford Bridge segir framkvæmdarstjóri félagsins, Bruce Buck.

Samningur Hazard við Chelsea rennur út næsta sumar en hann sagði frá í viðtali á dögunum að það hafi verið draumur hans frá blautu barnsbeini að spila með Real Madrid.

„Allir stuðningsmenn Chelsea í London og út um allan heim elska Eden Hazard," sagði Buck á ráðstefnu sem haldinn var í Doha á dögunum þar sem rætt var um fótbolta tengt viðskiptum.

„Hann er ekki bara frábær knattspyrnumaður heldur er hann frábær strákur. Við viljum halda honum hjá félaginu og munum gera allt til að hann verði áfram."

Chelsea og Hazard hafa farið afar vel af stað í ensku deildinni. Liðið er með 20 stig í öðru sæti deildarinnar, jafn mörg og Manchester City og Liverpool sem eru í fyrsta og þriðja sætinu.




Fleiri fréttir

Sjá meira


×