Innlent

Tæpar 175 milljónir aukalega vegna aðstoðarmanna ráðherra

Birgir Olgeirsson skrifar
Ríkisstjórn Katrínar Jakobsdóttur forsætisráðherra.
Ríkisstjórn Katrínar Jakobsdóttur forsætisráðherra. fréttablaðið/ernir

Heildarframlög til ríkisstjórnarinnar fyrir árið 2019 hækka um 153 milljónir króna og eru áætluð 635 milljónir króna samkvæmt fjárlagafrumvarpinu. Við það bætast 21,6 milljónir króna vegna verðlagsbreytinga og því heildarhækkunin tæpar 175 milljónir króna.

Hækkar launaliður ríkisstjórnarinnar um tæpar 175 milljónir króna þar sem aðstoðarmönnum ráðherra hefur fjölgað vegna lagasetningar um Stjórnarráð Íslands þar sem kveðið er á um að hverjum ráðherra sé heimilt að ráða til sín tvo aðstoðarmenn.

Í frumvarpinu kemur fram að 

Að auki er heimilt að ráða þrjá aðstoðarmenn samkvæmt ákvörðun ríkisstjórnar. Tilgangur breytinganna á sínum tíma var að styrkja pólitískt stefnumótunarhlutverk ráðherra með því að auka heimildir þeirra til að ráða sér við hlið pólitíska ráðgjafa til aðstoðar.

Fjárveiting fylgdi ekki lagarammanum að fullu en hingað til hefur auknum kostnaði vegna aðstoðarmanna verið mætt með fjárveitingum á fjáraukalögum þegar þess hefur verið þörf.

Hámarksfjöldi aðstoðarmanna samkvæmt framangreindum lagaheimildum og miðað við núverandi fjölda ráðherra í ríkisstjórn er 25 og eru heimildir laganna til ráðningar aðstoðarmanna ráðherra nú nánast fullnýttar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.