Formúla 1

Leclerc til Ferrari og Raikkonen til Sauber

Anton Ingi Leifsson skrifar
Raikkonen er kominn til Sauber.
Raikkonen er kominn til Sauber. vísir/getty

Hinn tvítugi Mónakóbúi Charles Leclerc mun aka fyrir Ferrari á næsta tímabili. Charles mun skipta um sæti við Kimi Raikkonen sem fer frá þeim rauðklæddu yfir til Sauber.

Raikkonen er síðasta ökumaðurinn til að vinna titil ökuþóra með Ferrari, það gerði Finninn árið 2007.

Kimi skrifaði undir tveggja ára samning við Sauber liðið sem þýðir að Ísmaðurinn verður hjá liðinu til 40 ára aldurs. Raikkonen byrjaði feril sinn í Formúlu 1 hjá svissneska liðinu árið 2001.

„Það er frábært að vera kominn aftur í liðið sem þetta byrjaði allt með,” sagði Kimi um liðaskiptin.

Charles Leclerc hefur verið í Ferrari akademíunni síðastliðin ár og er himinlifandi með fréttirnar.

„Draumar verða að veruleika,” sagði Mónakóbúinn á Twitter-síðu sinni í morgun.

Leclerc minntist einnig á góðan vin sinn sem var einnig í akademíunni, Jules Bianchi sem lést árið 2015 eftir harðan árekstur í japanska kappakstrinum árið áður.

Ferrari vonar að Charles verði næsta stjarna liðsins en fjölmargir ökumenn hafa hrósað aksturssstíl Leclerc.

Hinn tvítugi Leclerc byrjaði í Formúlu 1 í vor eftir að hafa unnið titil í GP2 í fyrra. Hann hefur átt frábært tímabil til þessa með Sauber og verður gaman að sjá hann undir stýri í toppslagnum á næsta ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.