Fótbolti

Del Bosque: Bolt gæti blómstrað sem bakvörður

Henry Birgir Gunnarsson skrifar
Bolt í leik með Central Coast Mariners í Ástralíu.
Bolt í leik með Central Coast Mariners í Ástralíu. vísir/getty
Það fylgjast margir spenntir með fljótasta manni allra tíma, Usain Bolt, er hann reynir að fá samning sem atvinnumaður í fótbolta. Þar á meðal er Vicente del Bosque, fyrrum þjálfari Real Madrid og spænska landsliðsins. Sá veit sitt hvað um fótbolta.

Bolt fékk leik með áströlsku liði á dögunum. Þá kom hann af bekknum og spilaði á kantinum. Del Bosque segir að það sé ekki rétta staðan fyrir Jamaíkamanninn.

„Ef hann fær pláss á hann að geta nýtt það vel. Hann gæti orðið prýðilegur knattspyrnumaður,“ sagði Del Bosque en þetta er líklega mesta hrós sem knattspyrnumaðurinn Bolt hefur fengið.

„Hann er fullkominn fyrir lið sem beitir hröðum skyndisóknum. Bolt gæti verið bakvörður sem væri með mikla yfirferð. Ég hef mesta trú á því að hann geti blómstrað í bakvarðarstöðunni.“




Fleiri fréttir

Sjá meira


×