Handbolti

Rúnar með níu mörk, Ómar sjö og Janus þrjú í Íslendingaslag

Anton Ingi Leifsson skrifar
Janus Daði í eldlínunni.
Janus Daði í eldlínunni. vísir/getty

Það rigndi inn íslenskum mörkum er Álaborg vann sex marka sigur, 30-24, á Ribe-Esbjerg í dönsku úrvalsdeildinni í handbolta í kvöld.

Jafnræði var með liðunum framan af fyrri hálfleik en um miðbik hálfleiksins stigu gestirnir frá Álaborg á bensíngjöfina. Þeir breyttu stöðunni úr 7-10 í 11-18 og þannig stóðu leikar í hálfleik.

Í síðari hálfleik var aldrei spurning um hvoru megin sigurinn myndi enda. Álaborg stýrði leiknum og vann að lokum með sex marka mun, 30-24.

Rúnar Kárason gerði sér lítið fyrir og skoraði níu mörk úr þrettán skotum fyrir Ribe-Esbjerg en Gunnar Steinn Jónsson komst ekki á blað. Ribe-Esbjerg er með tvö stig eftir fyrstu fjóra leikina.

Ómar Ingi Magnússon skoraði sjö mörk úr átta skotum og Janus Daði Smárason gerði þrjú úr sex skotum fyrir Álaborg sem er með sex stig eftir fyrstu þrjá leikina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.