Áfrýjar fjögurra ára dómi fyrir kynferðisbrot gegn dætrum sínum

Kolbeinn Tumi Daðason skrifar 17. september 2018 14:01

Maðurinn verður að óbreyttu í gæsluvarðhaldi til 27. desember. vísir/anton brink

Kjartan Adolfsson, sem dæmdur var í fjögurra ára fangelsi fyrir kynferðisbrot gegn dætrum sínum í Héraðsdómi Austurlands í ágúst, hefur áfrýjað dómnum til Landsréttar. Þetta staðfestir ríkissaksóknari í skriflegu svari við fyrirspurn Vísis.

Kjartan hefur verið dæmdur fyrir kynferðisbrot gegn þremur dætrum sínum. Fyrst árið 1991 fyrir brot á þeirri elstu og nú í ágúst fyrir brot gegn tveimur yngri dætrum. Hann var þó sýknaður af hluta ákærunnar þar sem frásögn annarrar dótturinnar þótti á köflum ekki nógu nákvæm og afdráttarlaus.

Að auki var Kjartan dæmdur til að greiða dætrum sínum miskabætur, þeirri eldri 1,5 milljónir en hinni yngri þrjár milljónir króna. Dæturnar hafa allar stigið fram í fjölmiðlum í seinni tíð og greint frá brotum föður síns.

Í fyrravetur var eiginkona Kjartans og stjúpmóðir dætranna dæmd í tíu mánaða fangelsi, þar af sjö mánuði skilorðsbundna, fyrir langvarandi ofbeldi gegn stjúpdætrunum.

Tengdar fréttir

Íslenskir bræður sem misnota dætur sínar og ofbeldisfull stjúpa

Dæmdur kynferðisbrotamaður er grunaður um að hafa nauðgað dætrum sínum. Hann situr í gæsluvarðhaldi vegna málsins.

17. nóvember 2017 09:00

Fjögur ár fyrir brot gegn dætrum sínum

Karlmaður var fyrir mánuði dæmdur í annað sinn fyrir brot gegn barni sínu. Alls hefur hann hlotið dóm fyrir brot gegn þremur dætrum sínum. Fyrri dómurinn hafði ekki áhrif við ákvörðun refsingar.

10. september 2018 05:30

Áfram í gæsluvarðhaldi grunaður um að hafa nauðgað enn einni dóttur sinni

Faðir á Suðurland er grunaður um að hafa brotið kynferðislega gegn tveimur dætrum sínum.

1. desember 2017 14:04

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.