Handbolti

Selfoss sex mörkum yfir gegn Dragunas

Anton Ingi Leifsson skrifar
Haukur stýrði umferðinni í dag.
Haukur stýrði umferðinni í dag. vísir/daníel

Selfoss er sex mörkum yfir eftir fyrri leikinn gegn Dragunas, 34-28, en leikið var á Selfossi í kvöld í fyrri leik liðanna í fyrstu umferð EHF-bikarsins.

Selfyssingar voru í raun sterkari frá upphafi og voru meðal annars 8-5 yfir um miðjan hálfleikinn. Þeir leiddu með fjórum mörkum í hálfleik, 17-13.

Selfoss var að spila afar vel í leiknum og markvörðurinn Pawel Kiepulski var funheitur ásamt Hauki Þrastarsyni.

Að endingu unnu Selfyssingar leikinn með sex marka mun, 34-28, og eru því í góðri stöðu fyrir síðari leikinn sem fer fram í Litháen um næstu helgi.

Einar Sverrisson skoraði átta mörk, Árni Steinn Steinþórsson sjö og Hergeir Grímsson sex. Haukur Þrastarson gerði fimm mörk ásamt því að eiga fjöldann allan af stoðsendingum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.