Viðskipti innlent

Leyfið í hús degi fyrir opnun og enginn kvartar undan teppinu

Kristín Ólafsdóttir skrifar
Martin, Ágúst Atli og Gunnsteinn Helgi bregða hér á leik við barinn á efri hæð staðarins.
Martin, Ágúst Atli og Gunnsteinn Helgi bregða hér á leik við barinn á efri hæð staðarins. Vísir/Vilhelm

Barinn Miami Hverfisgata opnaði í miðbæ Reykjavíkur á Menningarnótt en leyfi fékkst fyrir starfseminni deginum áður við mikinn fögnuð – og eftir þónokkra bið. Staðurinn hefur vakið athygli fyrir litríka hönnun og stemningu og þykir „Instagram-vænn“ með eindæmum.

Sjá einnig: Don Johnson vildi of margar milljónir

Leyfið í hús á föstudegi og opnað á laugardegi

Veitingamaðurinn Gunnsteinn Helgi er einn eigenda og framkvæmdastjóri Miami Hverfisgötu. Hann segir í samtali við Vísi að stemningin á opnunarkvöldinu þann 18. ágúst síðastliðinn hafi verið afar góð.

„Við fengum leyfið á föstudeginum og opnuðum á laugardeginum, Menningarnótt. Það var líf og fjör, fullt hús og mér virtist fólk taka vel í þetta enda er ekki til staður líkur þessum neins staðar í heiminum.“

Staðurinn er afar litríkur, eins og sjá má á meðfylgjandi myndum. Á neðri hæðinni er bleikur dúkur á gólfum en á þeirri efri er teppalagt. Vísir/Vilhelm

Memphis-Milano og Miami Vice

Eins og áður sagði hefur Miami Hverfisgata einna helst vakið athygli fyrir litríka innanhúshönnun. Daníel Freyr Atlason, einn stofnenda hönnunarfyrirtækisins Döðlur, sá um hönnun staðarins, sem einkum er innblásin af tísku níunda áratugarins og enn fremur af sjónvarpsþáttunum Miami Vice.

„Upphaf „eitís“-tískunnar má rekja til Memphis-Milano og þetta varð síðar einnig grunnurinn að Miami Vice-þáttunum. Þeir ætluðu að vera svolítið evrópskir, sendu spæjara til Mílanó til að hitta þetta fólk og þessa hönnuði. Þetta er ástæðan fyrir því að Miami Vice skar sig svona úr öðru í heiminum,“ segir Gunnsteinn Helgi.

„Hugmyndin að staðnum byggir í rauninni á þessu „mixi“, þessari Memphis Milano-tísku og svo á Miami Vice-þáttunum, framúrstefnulegri „eitís“-hönnun.“

Séð yfir efri hæð staðarins, með barinn í baksýn. Vísir/Vilhelm

Enginn gert athugasemdir við teppin

Þá er þess vandlega gætt að allt á staðnum sé í umræddum stíl. Þar má nefna kokteilana, sem byggðir eru á kokteilseðlum bara í Miami á níunda áratugnum, tónlistina og sérsaumaða, hvíta jakka á starfsfólkið.

Önnur hæð staðarins er auk þess teppalögð kóngabláu teppi. Aðspurður segir Gunnsteinn Helgi að enginn hafi gert athugasemdir við teppið, sem mætti teljast djarft gólfefnaval á stað þar sem fljótandi veigar eru hafðar um hönd.

„Nei, við erum með sérfræðing á því sviði sem kemur hér á hverjum morgni og djúphreinsar teppin.“

Gunnsteinn Helgi segir jafnframt að svokallaður „happy hour“ Miami, þar sem tilboð er á drykkjum, sé einn sá lengsti á Íslandi.

„Við opnum klukkan þrjú alla daga og erum með opið fram eftir, bara eftir stemningu. Svo erum við með einn lengsta „happy hour“ Íslands frá þrjú til átta. Fólk getur komið og fengið sér vín, bjóra og kokteila. Við erum til dæmis með gin og tónik á krana.“

Gestir Miami Hverfisgötu geta spilað borðtennis á Ping Pong Club á neðri hæðinni. Vísir/Vilhelm

Fóru aðrar leiðir vegna Framsóknarmanna

Til stóð að opna Miami Hverfisgötu í maí en ekkert varð úr því vegna deilna eigenda staðarins við Framsóknarflokkinn, sem á rými á efri hæðum hússins og rekur þar starfsemi.

Deilurnar sneru til að mynda að salerni fyrir fatlaða en fyrri eigendur höfðu gert samning við Framsóknarmenn um samnýtingu á salerninu. Þeim samningi var hins vegar rift og þvertóku eigendur efri hæðanna fyrir að deila salerninu með bareigendum, líkt og greint var frá á vef Fréttablaðsins. Leyfi fyrir starfsemi Miami Hverfisgötu fékkst því ekki fyrr en föstudaginn 17. ágúst, þar eð salerni fyrir fatlaða var ein af forsendum leyfisins.

„Við fórum bara aðrar leiðir, fórum aftur í framkvæmdir, gerðum ný salerni og breyttum þessu,“ segir Gunnsteinn. „Þetta tafðist auðvitað svolítið mikið út af þessu máli en allt er gott sem endar vel.“
 
The Lights are up - we will open at 15:00 - See you soon pals
A post shared by Miami Hverfisgata (@miami_hverfisgata) on


Tengdar fréttir

Don Johnson vildi of margar milljónir

Lífsstílsbarinn Miami verður opnaður í gamla Framsóknarhúsinu á Hverfisgötu innan tíðar. Þar verða öll húsgögnin sérsmíðuð og þjónar verða í sérsaumuðum fötum. Don John­son átti að koma í opnunar­partíið en vildi fá spik



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.