Innlent

Koma saman til að ræða málefni heimilislausra

Gunnar Hrafn Jónsson skrifar
Fundur velferðarráðs Reykjavíkurborgar stendur nú yfir í ráðhúsinu.
Fundur velferðarráðs Reykjavíkurborgar stendur nú yfir í ráðhúsinu. Vísir/Egill

Fundur velferðarráðs Reykjavíkurborgar stendur nú yfir í ráðhúsinu en þangað hafa verið boðaðir fulltrúar tuttugu hópa sem tengjast málaflokki heimilislausra og utangarðsfólks.

Fulltrúar flokkanna í minnihluta borgarstjórnar hafa deilt hart á meirihlutann fyrir meint aðgerðarleysi í málefnum heimilislausra.

Á dögunum var haldinn sérstakur aukafundur í borgarstjórn um málaflokkinn og í dag hafa fulltrúar tuttugu mismunandi hópa verið boðaðir á fund velferðarráðs til að ræða bæði skammtíma- og langtímaúrræði.

Anna Gunnhildur Ólafsdóttir, framkvæmdastjóri Geðhjálpar, mun á fundinum ítreka ályktun samtakanna þess efnis að tryggja þurfi fjölbreytt meðferðarúrræði og öruggt húsaskjól fyrir fólk sem á ýmiskonar félagslegum vanda. Algjör skortur sé á búsetuúrræðum fyrir fólk með tvíþættan vanda, fíkn og geðsjúkdóma, þessi viðkvæmi hópur lendi sérstaklega oft á götunni og séu jafnvel daglegir gestir í gistiskýli Reykjavíkurborgar og Konukoti svo mánuðum og jafnvel árum skipti.

Búist er við að fundurinn standi til 13:30 í dag hið minnsta.

Vísir/egill

Tengdar fréttir

Segja meirihlutann hafa fengist til að viðurkenna húsnæðisvanda

Borgarráðsfulltrúar Sjálfstæðisflokksins lýsa yfir vonbrigðum með að neyðarfundur í borgarráði í gær bar ekki þann árangur sem vonir stóðu til um. Þetta kemur fram í tilkynningu frá Sjálfstæðisflokknum vegna neyðarfundar borgarráðs.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.