Veiði

1,000 löxum undir veiðinni í fyrra en veiðin samt góð

Karl Lúðvíksson skrifar
Fallegur lax í Ytri Rangá.
Fallegur lax í Ytri Rangá. Mynd: West Rangá FB

Rangárnar báðar eru að skila mjög góðum veiðitölum þessa dagana en Ytri Rangá hefur aðeins verið á eftir Eystri ánni.

Heildarveiðin í Ytri Rangá er komin í 1.892 laxa en var á sama tíma í fyrra 2.881 laxar og 2016 var hún komin í 4.664 laxa.  Síðustu tvö sumur voru þó frekar óvenjuleg þar sem laxinn kom snemma í allar árnar og botninn datt nokkuð hratt úr göngunum.  Núna er aftur á móti mikið af nýjum laxi í ánni og göngurnar eru góðar þó ekki sé kannski alveg jafn mikill kraftur í þeim og á bestu sumrunum í ánni.  Vikuveiðin í ánni var 343 laxar í síðustu viku og það er ekkert að minnka veiðin svo í þessum mánuði er ekkert ólíklegt að veiðin gæti skilað 1.000 löxum á land eða meira. Síðan er auðvitað september ansi drjúgur en um leið og maðkurinn fer niður í ánna detta inn nokkrir 100 laxa dagar.  það er því ekkert óvarlega áætlað að skjóta á að Ytri Rangá gæti vel skilað 4.000 - 5.000 löxum í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.