Nýtt tímabil, sömu vandamál Ingvi Þór Sæmundsson skrifar 13. ágúst 2018 13:00 Unai Emery, nýr stjóri Arsenal, í fyrsta leiknum um helgina. Vísir/Getty Þrátt fyrir að annar en Arsene Wenger væri á hliðarlínunni hjá Arsenal í fyrsta sinn í 22 ár sást ekki mikil breyting á leik liðsins frá síðustu árum gegn Manchester City í síðasta leik 1. umferðar ensku úrvalsdeildarinnar í gær. Strákarnir hans Pep Guardiola héldu hins vegar uppteknum hætti frá síðasta tímabili og unnu öruggan sigur. Þetta er áttunda árið í röð sem City vinnur sinn leik í 1. umferð ensku úrvalsdeildarinnar. Unai Emery, sem tók við Arsenal af Wenger í sumar, verður ekki dæmdur af leiknum í gær en ljóst er að hans bíður ærið verkefni. Arsenal fékk á sig 51 mark í ensku úrvalsdeildinni á síðasta tímabili og vörnin var í vandræðum í leiknum í gær. Pressa City gerði Arsenal erfitt fyrir og óöryggið aftast á vellinum var mikið. Petr Cech hélt meisturunum í skefjum í upphafi leiks. Tékkinn leit hins vegar ekki vel út þegar Raheem Sterling kom City yfir á 14. mínútu með föstu skoti fyrir utan teig. Þetta var fimmtugasta mark hans í ensku úrvalsdeildinni.Svekktir leikmenn Arsenal.Vísir/GettyÍ aðdraganda marksins lék Sterling á Matteo Guendouzi, 19 ára gamlan Frakka sem lék sinn fyrsta leik fyrir Arsenal í gær. Guendouzi var keyptur frá franska B-deildarliðinu Lorient og stökkið yfir í leik gegn Englandsmeisturunum var alltof stórt fyrir hann. Á meðan byrjaði Lucas Torreira, úrúgvæski miðjumaðurinn sem var keyptur frá Sampdoria, bekknum. Staðan í hálfleik var 0-1, City í vil. Arsenal sótti af veikum mætti í seinni hálfleik en það var alltaf líklegra að meistararnir myndu bæta við marki en Skytturnar að jafna metin. Og það var nákvæmlega það sem gerðist. Á 64. mínútu skoraði Bernardo Silva með frábæru skoti eftir sendingu Benjamins Mendy. Þetta var fimmta mark Silva í síðustu sjö leikjum sínum í byrjunarliði City í ensku úrvalsdeildinni. Mendy lagði einnig fyrsta markið upp og innkoma hans gerir gott lið enn betra. Frakkinn missti af nær öllu síðasta tímabili vegna hnémeiðsla. Mendy er ekki bara hress á Twitter heldur hörkuleikmaður sem kemur með nýja vídd í leik meistaranna. Fleiri urðu mörkin ekki og öruggur sigur City staðreynd, þrátt fyrir að Kevin De Bruyne hafi byrjað á bekknum og David Silva verið fjarri góðu gamni. City-menn rústuðu ensku úrvalsdeildinni á síðasta tímabili og settu fjölmörg met í leiðinni. Og miðað við byrjunina á þessu tímabili ætla þeir ekki að gefa neitt eftir. Um síðustu helgi unnu þeir Chelsea í leiknum um Samfélagsskjöldinn og þeir áttu í álíka litlum vandræðum með að leggja Arsenal að velli í gær. Þeir eru liðið sem öll hin þurfa að vinna. „Ég hef ekki yfir neinu að kvarta," sagði Guardiola sjálfsöruggur eftir leikinn í gær. „Við spiluðum af krafti, sköpuðum mörg færi og frammistaðan var góð. Við verðum betri og betri með hverjum deginum. Ég er heppinn að vera stjóri Manchester City. Við gerum alltaf okkar besta. Ég er með frábæran leikmannahóp." Kollegi hans hjá Arsenal hefur hins vegar um nóg að hugsa fyrir leikinn gegn Chelsea um næstu helgi. Emery verður ekki krossfestur fyrir frammistöðu sinna manna gegn besta liði ensku úrvalsdeildarinnar en Baskinn hlýtur að vera ósáttur með hversu auðveldlega City spilaði í sig gegnum vörn heimamanna. Emery var ætlað að laga skipulagið í leik Arsenal og koma skikki á varnarleikinn. Hann þarf hins vegar meiri tíma. Sem betur fer mætir Arsenal ekki City í hverri umferð. Enski boltinn Mest lesið Ten Hag segir að eigendur United séu skynsamir og muni ekki reka hann Enski boltinn Leverkusen býður stuðningsmönnum frítt flúr til minningar um tímabilið Fótbolti „Við erum helvíti seigir“ Íslenski boltinn Uppgjörið og viðtöl: Stjarnan - Fram 1-1 | Aftur komu Rúnarsmenn til baka Íslenski boltinn Casemiro komst ekki í Copa América-hóp Brassa Fótbolti Bragi Karl tryggði ÍR-ingum stig á elleftu stundu Íslenski boltinn Styrmir og félagar komnir í sumarfrí Körfubolti „Grét rosa mikið út af öllu og engu“ Sport Staðfestir verst geymda leyndarmál fótboltans Fótbolti Segja vinslit hjá Tiger Woods og Rory McIlroy Golf Fleiri fréttir Ten Hag segir að eigendur United séu skynsamir og muni ekki reka hann Kveðjuleikur Klopp í hættu? | „Meðvitaður um stöðuna“ Cole Palmer valinn bestur í apríl Fjórtán ára strákur með Man City klásúlu í samningi sínum við annað félag Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Sjá meira
Þrátt fyrir að annar en Arsene Wenger væri á hliðarlínunni hjá Arsenal í fyrsta sinn í 22 ár sást ekki mikil breyting á leik liðsins frá síðustu árum gegn Manchester City í síðasta leik 1. umferðar ensku úrvalsdeildarinnar í gær. Strákarnir hans Pep Guardiola héldu hins vegar uppteknum hætti frá síðasta tímabili og unnu öruggan sigur. Þetta er áttunda árið í röð sem City vinnur sinn leik í 1. umferð ensku úrvalsdeildarinnar. Unai Emery, sem tók við Arsenal af Wenger í sumar, verður ekki dæmdur af leiknum í gær en ljóst er að hans bíður ærið verkefni. Arsenal fékk á sig 51 mark í ensku úrvalsdeildinni á síðasta tímabili og vörnin var í vandræðum í leiknum í gær. Pressa City gerði Arsenal erfitt fyrir og óöryggið aftast á vellinum var mikið. Petr Cech hélt meisturunum í skefjum í upphafi leiks. Tékkinn leit hins vegar ekki vel út þegar Raheem Sterling kom City yfir á 14. mínútu með föstu skoti fyrir utan teig. Þetta var fimmtugasta mark hans í ensku úrvalsdeildinni.Svekktir leikmenn Arsenal.Vísir/GettyÍ aðdraganda marksins lék Sterling á Matteo Guendouzi, 19 ára gamlan Frakka sem lék sinn fyrsta leik fyrir Arsenal í gær. Guendouzi var keyptur frá franska B-deildarliðinu Lorient og stökkið yfir í leik gegn Englandsmeisturunum var alltof stórt fyrir hann. Á meðan byrjaði Lucas Torreira, úrúgvæski miðjumaðurinn sem var keyptur frá Sampdoria, bekknum. Staðan í hálfleik var 0-1, City í vil. Arsenal sótti af veikum mætti í seinni hálfleik en það var alltaf líklegra að meistararnir myndu bæta við marki en Skytturnar að jafna metin. Og það var nákvæmlega það sem gerðist. Á 64. mínútu skoraði Bernardo Silva með frábæru skoti eftir sendingu Benjamins Mendy. Þetta var fimmta mark Silva í síðustu sjö leikjum sínum í byrjunarliði City í ensku úrvalsdeildinni. Mendy lagði einnig fyrsta markið upp og innkoma hans gerir gott lið enn betra. Frakkinn missti af nær öllu síðasta tímabili vegna hnémeiðsla. Mendy er ekki bara hress á Twitter heldur hörkuleikmaður sem kemur með nýja vídd í leik meistaranna. Fleiri urðu mörkin ekki og öruggur sigur City staðreynd, þrátt fyrir að Kevin De Bruyne hafi byrjað á bekknum og David Silva verið fjarri góðu gamni. City-menn rústuðu ensku úrvalsdeildinni á síðasta tímabili og settu fjölmörg met í leiðinni. Og miðað við byrjunina á þessu tímabili ætla þeir ekki að gefa neitt eftir. Um síðustu helgi unnu þeir Chelsea í leiknum um Samfélagsskjöldinn og þeir áttu í álíka litlum vandræðum með að leggja Arsenal að velli í gær. Þeir eru liðið sem öll hin þurfa að vinna. „Ég hef ekki yfir neinu að kvarta," sagði Guardiola sjálfsöruggur eftir leikinn í gær. „Við spiluðum af krafti, sköpuðum mörg færi og frammistaðan var góð. Við verðum betri og betri með hverjum deginum. Ég er heppinn að vera stjóri Manchester City. Við gerum alltaf okkar besta. Ég er með frábæran leikmannahóp." Kollegi hans hjá Arsenal hefur hins vegar um nóg að hugsa fyrir leikinn gegn Chelsea um næstu helgi. Emery verður ekki krossfestur fyrir frammistöðu sinna manna gegn besta liði ensku úrvalsdeildarinnar en Baskinn hlýtur að vera ósáttur með hversu auðveldlega City spilaði í sig gegnum vörn heimamanna. Emery var ætlað að laga skipulagið í leik Arsenal og koma skikki á varnarleikinn. Hann þarf hins vegar meiri tíma. Sem betur fer mætir Arsenal ekki City í hverri umferð.
Enski boltinn Mest lesið Ten Hag segir að eigendur United séu skynsamir og muni ekki reka hann Enski boltinn Leverkusen býður stuðningsmönnum frítt flúr til minningar um tímabilið Fótbolti „Við erum helvíti seigir“ Íslenski boltinn Uppgjörið og viðtöl: Stjarnan - Fram 1-1 | Aftur komu Rúnarsmenn til baka Íslenski boltinn Casemiro komst ekki í Copa América-hóp Brassa Fótbolti Bragi Karl tryggði ÍR-ingum stig á elleftu stundu Íslenski boltinn Styrmir og félagar komnir í sumarfrí Körfubolti „Grét rosa mikið út af öllu og engu“ Sport Staðfestir verst geymda leyndarmál fótboltans Fótbolti Segja vinslit hjá Tiger Woods og Rory McIlroy Golf Fleiri fréttir Ten Hag segir að eigendur United séu skynsamir og muni ekki reka hann Kveðjuleikur Klopp í hættu? | „Meðvitaður um stöðuna“ Cole Palmer valinn bestur í apríl Fjórtán ára strákur með Man City klásúlu í samningi sínum við annað félag Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Sjá meira