Körfubolti

Breyttu aldargamallri kirkju í körfuboltasal

Óskar Ófeigur Jónsson skrifar
Hér er dæmi um körfuboltaleik í kirkju en myndin tengist fréttinni þó ekki neitt. Hér er verið að spila í Pálskirkjunni í London.
Hér er dæmi um körfuboltaleik í kirkju en myndin tengist fréttinni þó ekki neitt. Hér er verið að spila í Pálskirkjunni í London. Vísir/Getty

Epiphany kirkjan í Chicago hefur fengið nýtt hlutverk þökk sé hjálp frá Nike íþróttavöruframleiðandanum.

Epiphany kirkjan var byggð árið 1855 en hefur verið lokuð frá árinu 2011.

Byggingin er á lista yfir sögufræga staði í Bandaríkjunum og hefur verið það frá árinu 1998.

Nike tók sig til fyrr á þessu ári og setti upp glæsilegan körfuboltavöll í kirkjunni og þar var engu til sparað eins og sjá má hér fyrir neðan.



Þegar þessi nýja körfuboltakirkja var opnuð í dag þá mætti Scottie Pippen, sexfaldur NBA-meistari með Chicago Bulls á staðinn.

Körfuboltakirkjan hefur fengið nafnið „Just Do It HQ at The Church" og menntaskólaliðin á svæðinu fá að æfa þar út ágúst.

Almenningur má einnig koma og skoða körfuboltsal kirkjunnar á laugardögum en þurfa þá að vera búnir að skrá sig á nike.com/Chicago.

Meira að segja búningsklefarnir eru magnaðir eins og sjá má hér fyrir neðan.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.