Fótbolti

Bayern vill fá Alderweireld í stað Boateng

Arnar Geir Halldórsson skrifar
Alderweireld gæti hafa leikið sinn síðasta leik fyrir Tottenham.
Alderweireld gæti hafa leikið sinn síðasta leik fyrir Tottenham. vísir/getty
Belgíski varnarmaðurinn Toby Alderweireld gæti yfirgefið Tottenham á næstu dögum þar sem von er á tilboði frá þýska stórveldingu Bayern Munchen.

Bayern er að reyna að selja Jerome Boateng til PSG og vilja Þýskalandsmeistararnir fá Alderweireld í hans stað.

Alderweireld var á varamannabekk Tottenham þegar liðið vann 1-2 sigur á Newcastle í fyrstu umferð ensku úrvalsdeildarinnar um síðustu helgi.

Félagaskiptaglugginn í Þýskalandi lokar ekki fyrr en um næstkomandi mánaðarmót og hefur þýski risinn því nægan tíma til að semja við Tottenham um kaup og kjör en samkvæmt enskum fjölmiðlum er hinn 29 ára gamli Alderweireld sagður mjög áhugasamur um að ganga til liðs við Bayern.




Fleiri fréttir

Sjá meira


×