Sautjándi deildarsigur Heimis í tuttugu leikjum

Heimir Guðjónsson og lærisveinar hans í HB halda áfram að vinna leiki í færeysku úrvalsdeildinni í knattspyrnu.

Í dag vann HB öruggan 4-0 sigur á TB/FCS/Royn en med liði TB leikur Pape Mamadou Faye, fyrrum leikmaður Fylkis og Víkings Ólafsvík meðal annars.

Grétar Snær Gunnarsson og Brynjar Hlöðversson eru leikmenn HB sem er á toppnum í Færeyjum.

HB er með 52 stig eftir 20 leiki; sautján sigra, eitt jafntefli og tvo tapleiki. Þeir eru átta stigum á undan KÍ sem er í öðru sætinu.