Innlent

Allhvasst á Suðurlandi í dag

Margrét Helga Erlingsdóttir skrifar
Útlit er fyrir að það taki að hvessa með kvöldinu og er spáð 13-18 m/s syðst á landinu.
Útlit er fyrir að það taki að hvessa með kvöldinu og er spáð 13-18 m/s syðst á landinu. Veðurstofa Íslands

Gul viðvörun hefur tekið gildi fyrir Suðurland í dag en samkvæmt spá Veðurstofu Íslands er gert ráð fyrir að vindur verði á bilinu 13-18 m/s eftir hádegi með dálítilli rigningu í Vestmannaeyjum og suður af Mýrdalsjökli.

Ráðlagt er að huga að lausamunum og hátíðargestum í Vestmannaeyjum er bent á að festa tjöldin sín kyrfilega niður. Ferðaveður er varasamt fyrir ökutækið með tengivagna, sem eru viðkvæm fyrir vindi, þar sem hviður geta farið í 25m/s í kvöld.

Hvassast verður norðvestan til og syðst á landinu. Skýjað með köflum en súld suðaustantil og stöku skúrir síðdegis um norðanvert landið.

Á morgun er spáð norðaustan átt 10-15 stig um vestanvert landið og suðaustan til en annars hægari vindur. Rigning eða súld norðan-og austanlands en birtir til á suðvestanverðu landinu.

Veðurhorfur á landinu næstu daga:

Á mánudag (frídagur verslunarmanna):

Norðaustan 10-15 m/s, á vestanverðu landinu og við suðausturströndina, en hægari vindur norðaustantil og á Suðurlandi. Skýjað og dálítil rigning norðan- og austanlands, en bjart með köflum suðvestantil. Hiti 6 til 18 stig, hlýjast á Suðurlandi.

Á þriðjudag:

Norðanátt, víða 8-13 m/s en 13-18 austast. Rigning á Norður- og Austurlandi, en skýjað með köflum sunnan- og vestanlands. Hiti 5 til 9 stig fyrir norðan, en 9 til 14 stig syðra.

Á miðvikudag:

Hæg norðlæg eða breytileg átt en norðvestan 8-13 norðaustantil. Dálítil rigning eða súld norðan- og austanlands, einkum á annesjum, en annars skýjað með köflum. Hiti 4 til 8 stig á norðvestanverðu landinu, en annars 7 til 15 stig og hlýjast á Suðurlandi.

Á fimmtudag:

Fremur hæg suðlæg átt og lítils háttar rigning eða súld suðvestantil en víða bjartviðri norðaustanlands. Hiti 9 til 15 stig að deginum.

Á föstudag og laugardag:

Suðlæg eða breytileg átt og dálítil rigning af og til vestanvert landið en bjart með köflum norðaustantil. Hiti 8 til 16 stig, hlýjast norðaustanlands.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.