Sport

Conor McGregor kokhraustur í Central Park og segir stutt í bardaga við Khabib

Óskar Ófeigur Jónsson skrifar
Conor varð tvöfaldur heimsmeistari í UFC í nóvember 2016 en hefur ekki barist síðan þá.
Conor varð tvöfaldur heimsmeistari í UFC í nóvember 2016 en hefur ekki barist síðan þá. vísir/getty

Það lítur allt út fyrir að það verði af bardaga á milli Conor McGregor og Khabib Nurmagomedov á næstunni.  

Útsendari TMZ-síðunnar hittu á Conor McGregor í Central Park í New York og þar var kappinn kokhraustur og talaði um komandi bardaga sinn við Khabib.

Það er búist við að bardaginn fari fram í október í Las Vegas.





Conor McGregor hefur ekki barist í átthyrningnum síðan árið 2016 en hann keppti síðast í hnefaleikum á móti Floyd Mayweather í fyrra.

Síðasti UFC-bardagi Conor McGregor var á móti Eddie Alvarez í nóvember 2016 en Conor vann hann á rothöggi í annarri lotu. Conor varð þá tvöfaldur heimsmeistari en hefur ekki barist í MMA síðan þá.

Conor McGregor montaði sig af því í viðtalinu við TMZ að hann væri þegar kominn í bardagaform en hann var þarna að enda æfingar sínar í New York. Það má sjá hann æfa í Central Park hér fyrir neðan.





Khabib Nurmagomedov er 29 ára Rússi sem hefur unnið alla 26 bardaga sína en sá síðasti var á móti Al Iaquinta í apríl síðastliðnum. Nurmagomedov er 10-0 í bardögum innan UFC.

Conor McGregor hefur unnið 21 af 24 bardögum sínum en hann tapaði síðast á móti Nate Diaz 5. mars 2016 sem er eina tapið hans í bardaga innan UFC.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.