Tottenham með augastað á Pavard

Tottenham Hotspur á að vera á eftir franska landsliðsmanninum Benjamin Pavard sem hefur farið á kostum í hægri bakvarðarstöðu Frakka á HM.

 

Pavard hefur vakið mikla athygli fyrir frammistöðu sína á HM og þá sérstaklega eftir gullfallega markið hans gegn Argentínu í 16-liða úrslitum.

 

Samkvæmt nokkrum miðlum á Englandi á Tottenham að hafa augastað á leikmanninum og þá sérstaklega ef Belginn Toby Alderweireld fer frá liðinu í sumar.

 

Pavard er 22 ára og spilar fyrir þýska liðið Stuttgart en hann kom frá Lille árið 2016.