Fótbolti

636 daga bið Cazorla á enda

Anton Ingi Leifsson skrifar
Cazorla í leiknum í gær.
Cazorla í leiknum í gær. vísir/getty

Santi Cazorla, miðjumaður Villareal, spilaði í gær sinn fyrsta leik í tæp tvö ár en Spánverjinn hefur verið að glíma við erfið meiðsli.

Þessi 33 ára gamli miðjumaður spilaði fyrir Arsenal gegn Ludogorets í Meistaradeild Evrópu í október 2016 þar sem hann meiddist.

Þar meiddist hann á hásin og hafa þessi meiðsli háð honum allt til dagsins í dag. Í gær komst hann þó aftur af stað og spilaði með nýja liði sínu Villareal gegn Hercules í æfingarleik.

Cazorla var á meiðslalistanum í 636 daga og það hefur tekið á en samningur hans við Arsenal var eðlilega ekki endurnýjaður í sumar eftir sex ára dvöl þar.

Því samdi hann við Villareal en þetta er í þriðja skiptið sem hann gengur í raðir liðsins. Hann spilaði þar fyrst sem táningur árið 2003.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.