Innlent

Sextán sóttu um stöðu bæjarstjóra á Akureyri

Kristín Ólafsdóttir skrifar
Frá Akureyri.
Frá Akureyri. Vísir/Pjetur

Sextán sóttu um stöðu bæjarstjóra á Akureyri, að því er fram kemur í tilkynningu frá Akureyrarbæ. Staðan var auglýst laus til umsóknar í júní og rann umsóknarfrestur út 2. júlí síðastliðinn. Tveir drógu umsókn sína til baka en frestur til þess rann út á hádegi þann 3. júlí.

Á meðal þeirra sem sóttu um eru Katrín Björg Ríkharðsdóttir, framkvæmdastýra Jafnréttisstofu og fyrrverandi aðstoðarmaður bæjarstjóra Akureyrar, Gísli Halldór Halldórsson, fyrrverandi bæjarstjóri á Ísafirði sem einnig sótti um stöðu bæjarstjóra á Seyðisfirði, Ásthildur Sturludóttir, fyrrverandi bæjarstjóri í Vesturbyggð, Arnheiður Jóhannsdóttir, framkvæmdastjóri Markaðsstofu Norðurlands og Guðmundur Steingrímsson, ritstjóri og fyrrverandi alþingismaður.

Nöfn umsækjenda í stafrófsröð eru eftirfarandi:

Arnheiður Jóhannsdóttir, framkvæmdastjóri

Árni Helgason, löggiltur fasteignasali

Ásthildur Sturludóttir, bæjarstjóri

Brynja Guðmundsdóttir, framkvæmdastjóri

Davíð Stefánsson, framkvæmdastjóri

Eiríkur H. Hauksson, sveitarstjóri

Eva Reykjalín Elvarsdóttir, þjónustufulltrúi

Finnur Yngvi Kristinsson, hótelstjóri

Gísli Halldór Halldórsson, bæjarstjóri 

Guðmundur Steingrímsson, ritstjóri

Gunnar Kristjánsson, verkefnastjóri

Jón Hrói Finnsson, sviðsstjóri

Katrín Björg Ríkarðsdóttir, framkvæmdastjóri

Linda Björk Hávarðardóttir, framkvæmdastjóri

Páll Björgvin Guðmundsson, bæjarstjóri

Sveinbjörn Freyr Arnaldsson, framkvæmdastjóri



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.