Golf

Birgir tók gullið í Mosfellsbæ eftir stórkostlegt golf

Anton Ingi Leifsson skrifar
Birgir Björn annar frá vinstri.
Birgir Björn annar frá vinstri. vísir/golf

Birgir Björn Magnússon, kylfingur úr GK, stóð uppi sem sigurvegari á Símamótinu sem leikið var á Hlíðavelli í Mosfellsbæ um helgina. Mótið var fjórði mótið í Eimskipsmótaröðinni 2017/2018.

Birgir leiddi fyrir lokahringinn en honum fast á eftir fylgdi Kristján Þór Einarsson, heimamaður úr GM, og ljóst að það væri spennandi lokahringur framundan.

Birgir lagði grunninn að sigrinum með stórkostlegu golfi á holum tólf til sextán. Hann lék þessar fimm holur á sjö höggum undir pari þar sem hann fékk tvo erni í röð og þar á efitr þrjá fugla.

Hann endaði á þrettán höggum undir pari en næstur kom Kristján Þór á níu höggum undir pari. Þriðji var svo Sigurður Bjarki Blumenstein, úr GR, sem lék á sex höggum undir pari.

„Ég veit ekki hvernig best er að útskýra hvað gerðist á þeim fimm holum þar sem ég lék á -7 samtals. Ég sá bara höggin fyrir mér og framkvæmdi þau - og það gekk upp. Stundum gerist það og stundum ekki,“ sagði Birgir Björn í samtali við Golf.is en hann náði í dag sex ára gömlu markmiði sínu.

„Ég hef aldrei leikið undir pari af hvítum teigum í móti og það tókst svo sannarlega í dag. Mér líður alltaf þannig að ég geti sigrað á þeim mótum sem ég tek þátt í - og það var gríðarlega góð tilfinning að landa fyrsta sigrinum á Eimskipsmótaröðinni í dag,“ bætti Birgir Björn við.

Lokastaða efstu kylfinga í karlaflokki:
1. Birgir Björn Magnússon, GK (69-68-66) 203 högg (-13)
2. Kristján Þór Einarsson, GM (67-71-69) 207 högg (-9)
3. Sigurður Bjarki Blumenstein, GR (72-71-68) 211 högg (-5)
4. Ingvar Andri Magnússon, GKG (69-74-70) 213 högg (-3)
5.-6. Tómas Eiríksson Hjaltested, GR (76-71-68) 215 högg (-1)
5.-6. Dagbjartur Sigurbrandsson , GR (69-77-69) 215 högg (-1)
7.-9. Kristófer Orri Þórðarson, GKG (75-72-69) 216 högg (par)
7.-9. Fannar Ingi Steingrímsson, GHG (75-71-70) 216 högg (par)
7.-9. Andri Már Óskarsson, GHR (76-70-70) 216 högg (par)
10.-12 Björn Óskar Guðjónsson, GM (74-73-70) 217 högg (+1)
10.-12. Tumi Hrafn Kúld, GA (74-72-71) 217 högg (+1)
10.-12. Lárus Garðar Long, GV (73-72-72) 217 högg (+1)



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira