Innlent

Bilað kort olli sambandsleysi við umheiminn

Tryggvi Páll Tryggvason skrifar
Margir komust ekki inn á leitarvél Google í morgun.
Margir komust ekki inn á leitarvél Google í morgun. Vísir/Getty

Íbúar á höfuðborgarsvæðinu tóku ef til vill eftir því að erfiðlega gekk að komast inn á ýmsar vefsíður í morgunsárið. Bilun í korti hjá Mílu olli hægaganginum.

Nánast ómögulegt var að komast inn á leitarvél Google svo dæmi séu tekin auk þess sem að erfitt reyndist að komast inn á ýmsar innlendar síður.

Í samtali við Vísi segir Sigurrós Jónsdóttir, upplýsingafulltrúi Mílu að kort í svokölluðu hraðbrautarsambandi fyrirtækisins hafi bilað.

„Það þurfti bara að fara niður í Múla og skipta út þessu korti og keyra samböndin upp á nýtt. Það var ekki lengi gert,“ segir Sigurrós en allt ætti að vera komið í samt lag þegar þetta er skrifað.

Það eru helst fyrirtæki sem nýta sér hið svokallaða hraðbrautarsamband en það er ætlað þeim sem þurfa mikla bandvídd. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira