Erlent

Birtu 20 síðna leynilegt bréf

Þórir Guðmundsson skrifar
Donald Trump, forseti Bandaríkjanna.
Donald Trump, forseti Bandaríkjanna. Vísir/Getty
Bandaríska dagblaðið New York Times hefur birt leynilegt tuttugu blaðsíðna bréf sem lögmenn Trumps forseta skrifuðu Robert Muller, sérstökum saksóknara sem rannsakar meinta viðleitni Rússa til að hafa áhrif á forsetakosningarnar 2016.

Bréfið var skrifað í janúar. Í því segja lögmennirnir að ekki sé hægt að knýja forsetann til að mæta í viðtal við saksóknarann. Forsetinn hafi fullkomin yfirráð yfir bandarískri stjórnsýslu, þar á meðal rannsóknum eins og þeirri sem Muller stýrir.

Trump sjálfur kvartaði undan birtingu bréfsins í tísti og spurði hvenær endir yrði bundinn á þessar „mjög dýru nornaveiðar,“ eins og hann skrifaði á Twitter. 








Fleiri fréttir

Sjá meira


×