Fótbolti

Þjálfari Spánverja framlengir fyrir HM

Henry Birgir Gunnarsson skrifar
Lopetegui á hliðarlínunni með spænska liðinu.
Lopetegui á hliðarlínunni með spænska liðinu. vísir/getty
Spánverjar óttast ekki að landslið þeirra verði í ruglinu á HM í sumar undir stjórn Julen Lopetegui því þeir hafa framlengt við þjálfarann fyrir mótið.

Nýi samningurinn er fram yfir lokakeppni EM 2020. Lopetegui getur því mætt sultuslakur til Rússlands enda með fullan stuðning knattspyrnusambandsins.

Undir stjórn Lopetegui hefur spænska landsliðið aldrei tapað. Liðið hefur unnið þrettán leiki og gert jafntefli í fimm.

Hinn 51 árs gamli þjálfari tók við liðinu af Vicente del Bosque fyrir tveimur árum síðan en Spánverjar höfðu þá valdið vonbrigðum á EM með því að detta út í 16-liða úrslitunum.




Fleiri fréttir

Sjá meira


×