Enski boltinn

Man. Utd á eftir Fred

Henry Birgir Gunnarsson skrifar
Fred er afar sprækur.
Fred er afar sprækur. vísir/getty
Jose Mourinho, stjóri Man. Utd, er þegar byrjaður að leita að leikmönnum til þess að styrkja sitt lið fyrir átökin næsta vetur.

Nú segir Manchester Evening News að hann vilji fá Brasilíumanninn Fred frá Shaktar Donetsk. Samkvæmt frétt blaðsins þá vilja nágrannarnir í Man. City einnig fá Brassann en United er sagt standa betur að vígi í kapphlaupinu.

Fred er á leiðinni til Englands með brasilíska landsliðinu í næstu viku þar sem Brassarnir spila vináttuleik gegn Englendingum.

Forráðamenn United vonast til þess að ganga frá kaupunum meðan hann er á Englandi.




Fleiri fréttir

Sjá meira


×