Fótbolti

Iniesta til Japan

Anton Ingi Leifsson skrifar
Iniesta er búinn að kveðja Barcelona og er á leið til Japan.
Iniesta er búinn að kveðja Barcelona og er á leið til Japan. vísir/getty
Andres Iniesta er á leið til Japan og mun ganga í raðir Vissel Kobe en Iniesta lék sinn síðasta leik fyrir Barcelona á dögunum.

Síðasti leikur Iniesta var á sunnudaginn er spænsku meistararnir í Barcelona unnu 1-0 sigur á Real Sociedad. Það var hans 674. leikur fyrir félagið og sat hann lengi á vellinum eftir leikinn.

Iniesta birti svo mynd af sér í gær í flugvél á leið til Japan en með honum í flugvélinni var framkvæmdarstjóri Vissel Keba, Hiroshi Mikitani. Undir myndina skrifar Iniesta að hann sé á leið á sitt nýja heimili.

Vissel hefur gefið út að liðið muni halda blaðamannafund síðar í dag þar sem Iniesta verður tilkynntur sem nýjasti leikmaður liðsins en meðal leikmanna í liðinu er Lukas Podolski.

Á sínum sextán árum hjá Barcelona vann hann níu sinnum spænsku deildina og fjórum sinnum Meistaraadeildina. Ótrúlegum ferli hans hjá Barca lokið.


Tengdar fréttir

Iniesta kvaddi með sigri

Andres Iniesta kvaddi Barcelona eftir 16 ár hjá félaginu í kvöld þegar hann fékk heiðursskiptingu undir lok leiks Barcelona og Real Sociedad.




Fleiri fréttir

Sjá meira


×