20 dagar í HM: Arabíski Maradona skoraði flottasta mark HM sem aldrei er talað um Tómas Þór Þórðarson skrifar 25. maí 2018 12:30 Saeed Al-Owairan á ferðinni gegn Belgíu. vísir/getty Argentínska fótboltagoðið Diego Armando Maradona skoraði það sem er talið af flestum flottasta mark í sögu HM í átta liða úrslitum keppninnar á móti Englandi árið 1986 á HM í Mexíkó. Maradona fékk þá boltann á eigin vallarhelmingi, sneri af sér varnarmann og tók á einhvern rosalegasta sprett sem sést hafði þar til arftaki hans Lionel Messi byrjaði að leika sér með boltann á stóra sviðinu um tveimur áratugum síðar. Þessu marki muna allir eftir. En, það muna færri eftir því þegar að Saeed Al-Owairan, landsliðsmaður Sádi-Arabíu, skoraði ekki ósvipað mark í riðlakeppni HM 1994 í Bandaríkjunum og tryggði sínu liði óvæntan sigur á móti Belgíu. Markið er á öllum topplistum yfir fallegustu mörk HM á síðustu öld og heldur vafalítið sæti sínu ofarlega á sömu listum þrátt fyrir að heimsmeistaramótum 21. aldarinnar sé bætt við. Markið er ótrúlegt og saga markaskorarns sömuleiðis.Geggjaður sprettur Saeed Al-Owairan varð aldrei þekktur sem fótboltamaður nema út af þessu marki. Hann var 26 ára þegar að HM 1994 rann í garð og hafði þá aldrei spilað utan heimalandsins vegna reglna um slíkt þar í landi. Hann spilaði allan ferilinn með liðinu Riyadh í heimalandinu og fékk ekki einu einni leyfi til að spreyta sig í Evrópu þrátt fyrir mikinn áhuga á sér eftir að hann skoraði þetta ótrúlega mark. Belgum dugði jafntefli gegn Sádi-Arabíu í lokaumferðinni til að tryggja sig áfram með Hollendingum en sátu eftir með sárt ennið þökk sé marki Al-Owairan. Það var strax á fimmtu mínútu sem að hann fékk sendingu frá liðsfélaga sínum og reykspólaði af stað í átt að marki Belganna. Hann hljóp ríflega 60 metra með boltann, fíflaði fimm Belga og skoraði með góðu skoti framhjá Michel Preud'homme, einum besta markverði þess tíma. „Þetta er flottast mark mótsins,“ öskraði lýsandinn og hann laug engu. Sádarnir komust í 16 liða úrslit í fyrsta og eina skipti í sögu þjóðarinnar þökk sé markinu ótrúlega en fengu 3-1 skell í 16 liða úrslitum þar sem verðandi bronsverðlaunahafar Svía reyndust of stór biti fyrir þá.Eina lið Sádi-Arabíu sem hefur komist upp úr riðli.vísir/gettyHeima má ekki djamma og djúsa Væntingarnar í Sádi-Arabíu þegar kemur að HM eru ekki miklar og hafa leikmenn liðsins fengið veglegar gjafir fyrir það eitt að vinna einn leik og stundum hreinlega að skora eitt mark. Það átti við í þessu tilfelli því Al-Owairan var mikil hetja í heimalandinu eftir þetta mark en við heimkomuna afhenti þáverandi konungur Sádi-Arabíu honum lykla af lúxus bifreið. Eftir það fór allt saman niður á við hjá framherjanum. Al-Owairan var mikill djammari og hann réð ekkert við frægðina. „Markið var tvíeggja sverð fyrir mig. Það var frábært að mörgu leyti en líka skelfilegt því það gerði mig frægan og allir fylgdust með mér,“ sagði hann í viðtali við NY Times í aðdraganda HM 1998. Markaskorarinn lenti tvisvar í miklum vandræðum. Fyrst stakk hann af frá félagi sínu til að slaka á í Marokkó og fékk fyrir það sekt og skammir en árið 1996 sá lögreglan hann drekka og skemmta sér með konum sem ekki voru frá Sádi-Arabíu. Ekki nóg með það heldur var hann að djamma á Ramadan, heilagasta tíma Araba. Al-Owairan var hent í steininn í hálft ár fyrir skemmtanahöldin og hann bannaður frá fótbolta í heilt ár. Hann missti af Asíubikarnum árið 1996 þar sem hans menn stóðu uppi sme sigurvegarar og tryggðu sér sæti á HM 1998.Sádarnir voru kátir í stúkunni.vísir/gettyEkki sama ævintýrið Þrátt fyrir að sitja inni og vera orðinn að hálfgerðri þjóðarskömm komst Al-Owairan aftur í landsliðið. Carlos Alberto Parreira, sem gerði Brasilíu að heimsmeisturum í sömu keppni og Al-Owairan skoraði markið fræga í, var tekinn við Sádunum og vildi fá hann með til Frakklands. „Hann er kominn aftur og hefur lagt mikið á sig til þess. Mér var sagt að hann væri orðinn feitur eftir fangelsisdvölina en hann er í fínu formi,“ sagði brasilíski þjálfarinn fyrir HM 1998 þar sem hann vonaðist eftir öðru eins draumamarki frá Al-Owairan. Ekkert varð úr því. Al-Owairan spilaði tvo af þremur leikjum Sádi-Arabíu í riðlakeppninni sem töpuðust báðir og ekki skoraði hann mark. Sáda-liðið skoraði heldur ekkert fyrr en í þriðja leik þegar að það gerði 2-2 jafntefli við Suður-Afríku en það var ekki nóg. Landsliðsferli Saeed Al-Owairan, sem hafði fjórum árum áður orðið heimsfrægur og verið kjörinn knattspyrnumaður Asíu, var lokið. Nú var enginn lúxus bíll í boði og ekkert sviðsljós. Köttur úti í mýri. HM 2018 í Rússlandi Tengdar fréttir 23 dagar í HM: Þegar Rijkaard hrækti í permóið á Völler Það hefur alltaf andað köldu á milli Hollendinga og Þjóðverja en það sauð eftirminnilega upp úr á fótboltavellinum er liðin mættust á HM árið 1990. 22. maí 2018 11:00 22 dagar í HM: Þegar Platini hélt að liðsfélagi sinn væri dáinn Einn besti leikur í sögu HM fór fram á HM árið 1982 en hans er samt einna helst minnst fyrir líklega ljótasta brot í sögu keppninnar. 23. maí 2018 12:00 Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Tímabilið búið hjá Ederson og City treystir á Ortega í síðustu tveimur leikjunum Margrét Lára: Mér finnst hún hafa verið stórkostleg Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Þriðji markahæsti landsliðsmaðurinn leggur skóna á hilluna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Fabiana brýtur blað í sögunni áður en Jói Kalli tekur við Man. United sagði konunum ekki frá ákvörðuninni Allegri afklæddist á hliðarlínunni „Sá að þeim leið aldrei illa“ Mætti á þing FIFA úr fangaklefanum Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ „Þetta var ótrúlega erfitt“ Vlahovic tryggði Juventus bikarmeistaratitilinn United lyfti sér upp að hlið Newcastle Sjá meira
Argentínska fótboltagoðið Diego Armando Maradona skoraði það sem er talið af flestum flottasta mark í sögu HM í átta liða úrslitum keppninnar á móti Englandi árið 1986 á HM í Mexíkó. Maradona fékk þá boltann á eigin vallarhelmingi, sneri af sér varnarmann og tók á einhvern rosalegasta sprett sem sést hafði þar til arftaki hans Lionel Messi byrjaði að leika sér með boltann á stóra sviðinu um tveimur áratugum síðar. Þessu marki muna allir eftir. En, það muna færri eftir því þegar að Saeed Al-Owairan, landsliðsmaður Sádi-Arabíu, skoraði ekki ósvipað mark í riðlakeppni HM 1994 í Bandaríkjunum og tryggði sínu liði óvæntan sigur á móti Belgíu. Markið er á öllum topplistum yfir fallegustu mörk HM á síðustu öld og heldur vafalítið sæti sínu ofarlega á sömu listum þrátt fyrir að heimsmeistaramótum 21. aldarinnar sé bætt við. Markið er ótrúlegt og saga markaskorarns sömuleiðis.Geggjaður sprettur Saeed Al-Owairan varð aldrei þekktur sem fótboltamaður nema út af þessu marki. Hann var 26 ára þegar að HM 1994 rann í garð og hafði þá aldrei spilað utan heimalandsins vegna reglna um slíkt þar í landi. Hann spilaði allan ferilinn með liðinu Riyadh í heimalandinu og fékk ekki einu einni leyfi til að spreyta sig í Evrópu þrátt fyrir mikinn áhuga á sér eftir að hann skoraði þetta ótrúlega mark. Belgum dugði jafntefli gegn Sádi-Arabíu í lokaumferðinni til að tryggja sig áfram með Hollendingum en sátu eftir með sárt ennið þökk sé marki Al-Owairan. Það var strax á fimmtu mínútu sem að hann fékk sendingu frá liðsfélaga sínum og reykspólaði af stað í átt að marki Belganna. Hann hljóp ríflega 60 metra með boltann, fíflaði fimm Belga og skoraði með góðu skoti framhjá Michel Preud'homme, einum besta markverði þess tíma. „Þetta er flottast mark mótsins,“ öskraði lýsandinn og hann laug engu. Sádarnir komust í 16 liða úrslit í fyrsta og eina skipti í sögu þjóðarinnar þökk sé markinu ótrúlega en fengu 3-1 skell í 16 liða úrslitum þar sem verðandi bronsverðlaunahafar Svía reyndust of stór biti fyrir þá.Eina lið Sádi-Arabíu sem hefur komist upp úr riðli.vísir/gettyHeima má ekki djamma og djúsa Væntingarnar í Sádi-Arabíu þegar kemur að HM eru ekki miklar og hafa leikmenn liðsins fengið veglegar gjafir fyrir það eitt að vinna einn leik og stundum hreinlega að skora eitt mark. Það átti við í þessu tilfelli því Al-Owairan var mikil hetja í heimalandinu eftir þetta mark en við heimkomuna afhenti þáverandi konungur Sádi-Arabíu honum lykla af lúxus bifreið. Eftir það fór allt saman niður á við hjá framherjanum. Al-Owairan var mikill djammari og hann réð ekkert við frægðina. „Markið var tvíeggja sverð fyrir mig. Það var frábært að mörgu leyti en líka skelfilegt því það gerði mig frægan og allir fylgdust með mér,“ sagði hann í viðtali við NY Times í aðdraganda HM 1998. Markaskorarinn lenti tvisvar í miklum vandræðum. Fyrst stakk hann af frá félagi sínu til að slaka á í Marokkó og fékk fyrir það sekt og skammir en árið 1996 sá lögreglan hann drekka og skemmta sér með konum sem ekki voru frá Sádi-Arabíu. Ekki nóg með það heldur var hann að djamma á Ramadan, heilagasta tíma Araba. Al-Owairan var hent í steininn í hálft ár fyrir skemmtanahöldin og hann bannaður frá fótbolta í heilt ár. Hann missti af Asíubikarnum árið 1996 þar sem hans menn stóðu uppi sme sigurvegarar og tryggðu sér sæti á HM 1998.Sádarnir voru kátir í stúkunni.vísir/gettyEkki sama ævintýrið Þrátt fyrir að sitja inni og vera orðinn að hálfgerðri þjóðarskömm komst Al-Owairan aftur í landsliðið. Carlos Alberto Parreira, sem gerði Brasilíu að heimsmeisturum í sömu keppni og Al-Owairan skoraði markið fræga í, var tekinn við Sádunum og vildi fá hann með til Frakklands. „Hann er kominn aftur og hefur lagt mikið á sig til þess. Mér var sagt að hann væri orðinn feitur eftir fangelsisdvölina en hann er í fínu formi,“ sagði brasilíski þjálfarinn fyrir HM 1998 þar sem hann vonaðist eftir öðru eins draumamarki frá Al-Owairan. Ekkert varð úr því. Al-Owairan spilaði tvo af þremur leikjum Sádi-Arabíu í riðlakeppninni sem töpuðust báðir og ekki skoraði hann mark. Sáda-liðið skoraði heldur ekkert fyrr en í þriðja leik þegar að það gerði 2-2 jafntefli við Suður-Afríku en það var ekki nóg. Landsliðsferli Saeed Al-Owairan, sem hafði fjórum árum áður orðið heimsfrægur og verið kjörinn knattspyrnumaður Asíu, var lokið. Nú var enginn lúxus bíll í boði og ekkert sviðsljós. Köttur úti í mýri.
HM 2018 í Rússlandi Tengdar fréttir 23 dagar í HM: Þegar Rijkaard hrækti í permóið á Völler Það hefur alltaf andað köldu á milli Hollendinga og Þjóðverja en það sauð eftirminnilega upp úr á fótboltavellinum er liðin mættust á HM árið 1990. 22. maí 2018 11:00 22 dagar í HM: Þegar Platini hélt að liðsfélagi sinn væri dáinn Einn besti leikur í sögu HM fór fram á HM árið 1982 en hans er samt einna helst minnst fyrir líklega ljótasta brot í sögu keppninnar. 23. maí 2018 12:00 Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Tímabilið búið hjá Ederson og City treystir á Ortega í síðustu tveimur leikjunum Margrét Lára: Mér finnst hún hafa verið stórkostleg Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Þriðji markahæsti landsliðsmaðurinn leggur skóna á hilluna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Fabiana brýtur blað í sögunni áður en Jói Kalli tekur við Man. United sagði konunum ekki frá ákvörðuninni Allegri afklæddist á hliðarlínunni „Sá að þeim leið aldrei illa“ Mætti á þing FIFA úr fangaklefanum Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ „Þetta var ótrúlega erfitt“ Vlahovic tryggði Juventus bikarmeistaratitilinn United lyfti sér upp að hlið Newcastle Sjá meira
23 dagar í HM: Þegar Rijkaard hrækti í permóið á Völler Það hefur alltaf andað köldu á milli Hollendinga og Þjóðverja en það sauð eftirminnilega upp úr á fótboltavellinum er liðin mættust á HM árið 1990. 22. maí 2018 11:00
22 dagar í HM: Þegar Platini hélt að liðsfélagi sinn væri dáinn Einn besti leikur í sögu HM fór fram á HM árið 1982 en hans er samt einna helst minnst fyrir líklega ljótasta brot í sögu keppninnar. 23. maí 2018 12:00