Sport

Vinnur Kolbeinn sinn tíunda bardaga í röð?

Henry Birgir Gunnarsson skrifar
Kolbeinn Kristinsson.
Kolbeinn Kristinsson. vísir/valli
Atvinnuboxarinn Kolbeinn Kristinsson berst sinn tíunda atvinnumannabardaga á morgun og það gegn næstbesta þungavigtarboxara Finnlands.

Sá heitir Gennadi Mentsikainen en hann er 5-1 á ferlinum. Bardagi þeirra mun fara fram í Finnlandi.

Kolbeinn hefur unnið alla sína níu atvinnumannabardaga og oftar en ekki með rothöggi. Fastlega má búast við því að þetta verði hans erfiðasti bardagi til þessa.

Okkar maður er vanur að æfa með besta þungavigtarboxara Finna. Robert Helenius, þannig að sá næstbesti ætti ekki að koma Kolbeini á óvart.

Alls eru rúmlega 1.200 þungavigtarboxarar á heimslistanum en ef Kolbeinn klárar Finnann þá verður hann að öllum líkindum farinn að nálgast topp 100 listann.

Box



Fleiri fréttir

Sjá meira


×