Viðskipti innlent

Michelin mælir með fimm stöðum í Reykjavík

Benedikt Bóas skrifar
Sigurður Laufdal yfirmatreiðslumaður Grillsins vann áður á Geranium þriggja stjörnu Michelin veitingahúsi í Kaupmannahöfn. Hann þekkir hvað þarf til til að ná í Michelin stjörnu.
Sigurður Laufdal yfirmatreiðslumaður Grillsins vann áður á Geranium þriggja stjörnu Michelin veitingahúsi í Kaupmannahöfn. Hann þekkir hvað þarf til til að ná í Michelin stjörnu. Fréttablaðið/Ernir

Matargagnrýnandi Michelin mælir með fimm íslenskum veitingahúsum eftir heimsókn sína hingað til lands fyrir skömmu. Dill er þar á meðal, en staðurinn er sá eini á Íslandi sem hefur þegar hlotið eftirsótta Michelin-stjörnu.

Aðrir eru Grillið, Vox, Matur og drykkur og Gallery á Hótel Holti.

Um Dill segir hann meðal annars að eldamennskan sé í hæsta gæðaflokki og það sé þess virði að kíkja við. Staðurinn noti hráefni í hæsta gæðaflokki og hver réttur hafi sitt eigið bragð. Undirbúningur sé allur hinn besti til að viðhalda gæðunum.

Uppskriftin af graflaxnum á Hótel Holt er frá 1966. Fréttablaðið/GVA

Þessi litli staður sé að verða einn sá vinsælasti til að upplifa hina svokölluðu nýju Norrænu matargerð. Þó að hver réttur innihaldi fáein hráefni séu réttirnir flóknir hvað áferð og bragð varðar.

Um Vox sagði hann hráefnin vera fersk og að þar einfaldlega gott að borða. Stíll sé yfir staðnum og brönsinn þar sé vinsæll. Eldamennskan skapandi og nútímaleg.

Gagnrýnandinn er ánægður með vínseðilinn á Gallery á Hótel Holti. Það er eini staðurinn sem fær hrós fyrir slíkt. Þarna sé klassísk frönsk eldamennska með íslensku hráefni, og segir gagnrýnandinn að uppskriftin að graflaxinum sé frá 1966.

Eðlilega minnist gagnrýnandinn á útsýnið á Grillinu og segir að það sé dáleiðandi fallegt – einkum og sér í lagi sólsetrið. Hráefnið sé ferskt, matreiðslan spennandi og að hið unga teymi sem þar starfar hafi skilað glæsilegum og bragðgóðum réttum á hans borð.

Gamlar uppskriftir fái nútímalegt útlit á Mat og drykk og þar sé maturinn ekki mjög dýr. Réttirnir séu góðir og íslenska snakkið sem þar er í boði sé frábært. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.