Golf

Spieth: Tiger kominn upp að hlið þeirra bestu

Henry Birgir Gunnarsson skrifar
Tiger og Spieth á Sawgrass í gær.
Tiger og Spieth á Sawgrass í gær. vísir/getty

Jordan Spieth spilaði lokahringinn á Players-meistaramótinu með Tiger Woods og var afar hrifinn af því sem hann sá frá félaga sínum.

„Hann vinnur mót fljótlega. Hann er svo sannarlega að spila nógu vel,“ sagði Spieth sem varð nokkuð á eftir Tiger í 41. sæti. Spieth lék á lokahringinn á fimm höggum meira en Tiger en hann fékk átta á lokaholunni. Tiger var á 69 höggum þó svo hann hefði farið í vatnið á 17. holunni.

„Ef ég á að bera spilamennsku Tiger saman við þá bestu í dag þá er hann á pari við þá í dag.“

Tiger endaði í ellefta sæti á mótinu en hann var um tíma í öðru sæti en spilamennska hans hefur tekið ótrúlegum framförum síðustu vikur.


Tengdar fréttir

Tiger: Spilaði miklu betur en skorið segir til um

Tiger Woods sýndi oft á tíðum mögnuð tilþrif á Players-meistaramótinu um helgina en möguleikar hans á að enda með efstu mönnum sukku í vatninu á hinni frægu 17. holu Sawgrass-vallarins.

Simpson vann örugglega á Players

Bandaríkjamaðurinn Webb Simpson sigraði Players mótið í golfi sem kláraðist í nótt. Frábær spilamennska á öðrum hring lagði grunninn að sigrinum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira