Handbolti

Rúmlega helmingur í 30 manna hópi Guðmundar spilar í Olís-deildinni

Tómas Þór Þórðarson skrifar
Guðmundur valdi stóran hóp.
Guðmundur valdi stóran hóp. vísir

Guðmundur Guðmundsson, landsliðsþjálfari Íslands í handbolta, valdi í dag 30 leikmenn í hópinn fyrir leikina gegn Litháen í umspili um sæti á HM 2019 sem fram fer í Þýskalandi og í Danmörku.

Fyrri leikurinn fer fram í Vilnius föstudaginn 8. júní en seinni leikurinn í Laugardalshöllinni 13. júní. Sigurvegarinn í samanlögðum viðureignum liðanna fer á HM.

„Framundan er gríðarlega mikilvægt verkefni fyrir íslenska landsliðið þegar liðið mætir Litháen í tveimur umspilsleikjum um laust sæti á HM. Ég hef ákveðið að velja stóran og öflugan hóp fyrir verkefnið og hefjum við æfingar með hluta hópsins 23. maí,“ segir Guðmundur í fréttatilkynningu HSÍ.

Sextán af 30 leikmönnum sem Guðmundur valdi til æfinga spila í Olís-deildinni hér heima en þetta eru meðal annars strákar sem hafa verið í B-landsliðinu undanfarna mánuði.

Hópurinn verður svo skorinn niður eftir því sem að nær dregur.

Hópurinn:

Markverðir:
Aron Rafn Eðvarðsson, ÍBV
Ágúst Elí Björgvinsson, FH
Björgvin Páll Gústavsson, Haukar
Viktor Gísli Hallgrímsson, Fram

Vinstra horn:
Bjarki Már Elísson, Fuchse Berlin
Guðjón Valur Sigurðsson, Rhein-Neckar Löwen
Stefán Rafn Sigurmannsson, Pick Szeged
Vignir Stefánsson, Valur

Vinstri skyttur:
Aron Pálmarsson, Barcelona
Daníel Þór Ingason, Haukar
Einar Sverrisson, Selfoss
Ólafur Guðmundsson, IFK Kristianstad
Ólafur Gústafsson, KIF Kolding København

Leikstjórnendur:
Elvar Örn Jónsson, Selfoss
Gísli Þorgeir Kristjánsson, FH
Haukur Þrastarson, Selfoss
Janus Daði Smárason, Aalborg Håndbold
Ólafur Bjarki Ragnarsson, West Wien

Hægri skyttur:
Arnar Birkir Hálfdánsson, Fram
Ómar Ingi Magnússon, Aarhus Håndbol
Ragnar Jóhannsson, TV 05/07 Huttenberg
Rúnar Kárason, TSV Hannover-Burgdorf
Teitur Einarsson, Selfoss
 
Hægra horn:
Arnór Þór Gunnarsson, Bergischer HC
Óðinn Þór Ríkharðsson, FH
Theodór Sigurbjörnsson, ÍBV

Lína:
Arnar Freyr Arnarsson, IFK Kristianstad
Vignir Svavarsson, HC Midtjylland
Ýmir Örn Gíslason, Valur

Varnarmaður:
Alexander Örn Júlíusson, Valur



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.