Golf

Guardiola leikur með atvinnukylfingnum Tommy Fleetwood

Henry Birgir Gunnarsson skrifar
Pep lék á Pro/Am móti með Rory McIlroy í fyrra.
Pep lék á Pro/Am móti með Rory McIlroy í fyrra. vísir/getty
Stjóri Man. City, Pep Guardiola, er lunkinn kylfingur og hann mun spila með Englendingnum í Pro/Am móti í næstu viku.

Á Pro/Am móti leika atvinnukylfingar með þekktum áhugamönnum. Guardiola er stærsta áhugamannastjarnan að þessu sinni en mótið er haldið degi fyrir BMW-meistaramótið sem er eitt stærsta mótið á Evrópumótaröðinni.

„Ég hlakka til að prófa þetta og það er frábær leið að ljúka góðu tímabili á þessu móti,“ sagði Guardiola sem er með 14 í forgjöf. „Það verða margir góðir með á þessu móti og vonandi næ ég að spila þokkalegt golf.“

Þeir Guardiola og Fleetwood verða í þokkalegum ráshóp en með þeim spila Matt LeTissier og Peter Schmeichel. Mótið fer fram næstkomandi miðvikudag.








Fleiri fréttir

Sjá meira


×