Fótbolti

Andri Rúnar skoraði í grátlegu jafntefli

Anton Ingi Leifsson skrifar
Andri Rúnar heldur sama hitanum í Svíþjóð og hann gerði á Íslandi.
Andri Rúnar heldur sama hitanum í Svíþjóð og hann gerði á Íslandi. vísir/getty
Andri Rúnar Bjarnason skoraði mark Helsingborg er liðið gerði grátlegt 1-1 jafntefli við Landskrona BoIS á útivelli í sænsku B-deildinni í knattspyrnu í dag.

Andri Rúnar, sem var markakóngur Pepsi-deildarinnar á síðustu leiktíð, skoraði fyrsta mark mark leiksins á 81. mínútu.

Ísfirðingurinn heldur uppteknum hætti í Svíþjóð en hann hefur skorað fjögur mörk í fyrstu sex leikjum sínum í sænsku B-deildinni.

Allt stefndi í 1-0 sigur Helsingborg en Karim Sadat jafnaði metin fyrir Landskrona með nánast síðustu spyrnu leiksins og lokatölur 1-1.

Helsingborg er í fjórða sæti deildarinnar með ellefu stig eftir leikina sex en á toppnum er Örgryte með nítján stig. Helsingborg á þó leik til góða.




Fleiri fréttir

Sjá meira


×