Handbolti

Grótta biður Þorgeir Bjarka afsökunar

Ástrós Ýr Eggertsdóttir skrifar
Frá viðureign Vals og Gróttu í Olís deildinni. Leikmenn myndarinnar tengjast fréttinni ekki
Frá viðureign Vals og Gróttu í Olís deildinni. Leikmenn myndarinnar tengjast fréttinni ekki vísir/getty

Íþróttafélagið Grótta sendi frá sér fréttatilkynningu í dag þar sem félagið biður fyrrum leikmann þess, Þorgeir Bjarka Davíðsson, einlægrar afsökunar.

Þorgeir Bjarki er fæddur árið 1996 og hefur verið á mála hjá Fram síðan hann fór frá Gróttu fyrir tveimur árum. Hann kom við sögu í fjórum leikjum með félaginu í Olís deild karla í vetur

Afsökunarbeiðni handknattleiksdeildar Gróttu:
Íþróttafélagið Grótta hefur lagst í gagngerar endurbætur á eineltisstefnu félagsins og verkferlum þar að lútandi. Veigamikil og þörf vitundarvakning hefur átt sér stað í þjóðfélaginu í ljósi #metoo umræðunnar og telur félagið mikilvægt að fylgja því eftir með endurskoðun á öllum verkferlum. Sú endurskoðun er einnig gerð í ljósi aðstæðna sem upp komu hjá félaginu fyrir nokkrum árum. Um er að ræða aðstæður sem leiddu til þess að leikmaður, Þorgeir Bjarki Davíðsson, sá sér ekki fært að vera áfram hjá félaginu. Harmar félagið að ekki skuli hafa verið nógu vel staðið að hans máli á sínum tíma og biður Þorgeir Bjarka einlæglega afsökunar á því. Leggur félagið ríka áherslu á að komi slík mál upp í framtíðinni verði réttum boðleiðum fylgt. Eru fyrirhugaðar breytingar gerðar í samræmi við reglugerð um einelti, kynferðislega áreitni, kynbundið áreiti og ofbeldi á vinnustöðum nr 1009/2015.

Grótta vill ítreka að óæskileg hegðun sem fellur undir ofangreinda reglugerð verður ekki liðin innan félagsins og að komi slík mál upp verði þau tekin alvarlega og sett í viðeigandi farveg. Þetta á jafnt við um starfsmenn íþróttafélagsins, íþróttaiðkendur og sjálfboðaliða. Hefur félagið fengið til liðs við sig fagaðila til að endurskoða alla ferla og mun einnig óska eftir aðkomu og áliti félagsmanna, foreldra og starfsfólks við þá vinnu. Mikilvægt er að opin umræða sé um einelti, áreitni og afleiðingar þess oger það ósk félagsins að hægt verði að fyrirbyggja slíkt hjá félaginu í framtíðinni. Með endurbótunum er verið að tryggja að komi slík mál upp hjá félaginu sé skýrt í hvaða farveg þau fari og að haldið verði fast um slík mál og þau leidd til lykta.

Bragi Björnsson, formaður aðalstjórnar Gróttu
Elín Smáradóttir, fyrrverandi formaður aðalstjórnar Gróttu



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.