Sport

Leggja til kappakstur í „einni flottustu borg heims“

Bragi Þórðarson skrifar
Í Azerbaijan er keppt á götum höfuðborgarinnar Baku. Kappaksturinn í Miami færi einnig fram á götum borgarinnar en ekki á sérhannaðri kappakstursbraut
Í Azerbaijan er keppt á götum höfuðborgarinnar Baku. Kappaksturinn í Miami færi einnig fram á götum borgarinnar en ekki á sérhannaðri kappakstursbraut vísir/getty
Borgaryfirvöld í Miami munu kjósa um það í næstu viku hvort halda eigi Formúlu 1 kappakstur í borginni á næsta ári.

Það yrði í fyrsta skiptið í sögunni sem að kappakstur færi fram í Florídafylki í Bandaríkjunum en nú þegar er keppt í Austin, Texas.

Áætlunin er að hafa Miami kappaksturinn í október á næsta ári helgina eftir keppnina í Texas. Það er einnig möguleiki að færa Austin kappaksturinn fram í júní til þess að hafa hann með Kanada kappakstrinum.

Kappaksturinn yrði fyrsti götukappaksturinn í Bandaríkjunum síðan árið 1991 þegar keppt var á götum Phoenix.

„Miami er ein stærsta og flottasta borg heims og lokkar að fjölmarga túrista, borgin er því fullkominn staður til að halda Formúlu 1 keppni‘‘ segir Sean Bratches, framkvæmdarstjóri Formúlu 1.




Fleiri fréttir

Sjá meira


×