Stóri Sam kveðst ekki geta gert betur

Óvíst er um framtíð Sam Allardyce hjá Everton en hann er ekki vinsæll á meðal stuðningsmanna félagsins þrátt fyrir að hafa staðið sig vel að eigin sögn.

Everton var í 18.sæti ensku úrvalsdeildarinnar þegar Allardyce tók við liðinu þann 30.nóvember síðastliðinn. Liðið er nú komið í 8.sæti deildarinnar eftir 0-2 sigur á Huddersfield í gær.

„Ég get ekki gert betur en ég hef gert. Mér þykir miður ef stuðningsmönnunum líkar það ekki en við erum að gera okkar besta. Bæði ég, allt mitt starfslið og leikmennirnir,“ segir Allardyce.