Handbolti

Níu íslensk mörk er Ljónin nálgast titilinn

Anton Ingi Leifsson skrifar
Guðjón skoraði fimm mörk í kvöld.
Guðjón skoraði fimm mörk í kvöld. vísir/getty

Guðjón Valur Sigurðsson átti góðan leik fyrir Rhein-Neckar Löwen sem vann öruggan sigur á Wetzlar, 34-25, í þýsku úrvalsdeildinni í handbolta í kvöld.

Guðjón Valur skoraði fimm mörk, þar af tvö af vítalínunni, en Alexander Petersson skoraði fjögur mörk fyrir Ljónin.

Með sigrinum eru Ljónin með tveggja stiga forskot á Flensburg á toppi deildarinnar en Löwen á einnig leik til góða. Sjö leikir eru eftir hjá Ljónunum svo það stefnir í þýskan meistaratitil þar.

Aðalsteinn Eyjólfsson og lærisveinar í Erlangen unnu mikilvægan og óvæntan sigur á Hannover-Burgdorf, 34-28, í sömu deild í dag.

Erlangen er í þrettánda sætinu með nítján stig en Hannover-Burgdorf er í fimmta sætinu. Rúnar Kárason var ekki í leikmannahópi Hannover vegna meiðsla.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.