Klopp veit ekkert um meiðsli Lovren

Jurgen Klopp, stjóri Liverpool, vonast til þess að meiðsli Dejan Lovren, varnarmanns Liverpool, séu ekki alvarleg en Lovren fór af velli meiddur í leiknum gegn Bournemouth í gær.

„Ég sá ekki höggið. Ég myndi elska að ef þetta væri bara höggið en ef þetta er útaf álagið, rifa eða hvað sem er, ég hef enga hugmynd,” sagði Klopp í leikslok.

„Hann fann eitthvað til en ég talaði ekki við hann eftir þetta. Ég sá bara að hann var að haltra svo ég skipti honum útaf. Við áttum miðvörð á bekknum. Vonandi er þetta ekki alvarlegt en ég get ekki sagt meira um það.”

Lovren hefur verið að spila afar vel í vörn Liverpool á tímabilinu, sér í lagi eftir komu Virgil Van Djiik í Liverpool-vörnina, en hann hefur spilað 36 leiki á tímabilinu.