Innlent

Fiktaði í útvarpinu á ferð og velti bílnum

Sylvía Rut Sigfúsdóttir skrifar
Bílstjóri missti stjórn á bifreið sinni á Garðavegi í gær og hafnaði utan vegar.
Bílstjóri missti stjórn á bifreið sinni á Garðavegi í gær og hafnaði utan vegar. Vísir/Eyþór

Bílvelta varð á Garðvegi á Suðurnesjum síðdegis í gær en ökumaðurinn slapp án meiðsla samkvæmt upplýsingum frá lögreglu. Viðkomandi sagði við lögreglu að hann hafi verið að fikta í útvarpinu og misst við það stjórn á bifreiðinni með þeim afleiðingum að hún hafnaði utan vegar og valt.

Þá hafði annar ökumaður ekið bifreið sinni á vegrið milli akreina á Reykjanesbraut en var horfinn af vettvangi þegar lögreglumenn á Suðurnesjum komu á staðinn. Þeir höfðu upp á honum og kvaðst hann finna til verkja eftir óhappið. Vegriðið skemmdist talsvert og bifreiðin var fjarlægð með dráttarbifreið.

Fleiri umferðaróhöpp hafa orðið í umdæmi lögreglunnar á Suðurnesjum á undanförnum dögum en engin þeirra stórvægileg.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira