Íslenski boltinn

KA burstaði Breiðablik

Ástrós Ýr Eggertsdóttir skrifar
Elfar Árni Aðalsteinsson skoraði 9 mörk fyrir KA í sumar.
Elfar Árni Aðalsteinsson skoraði 9 mörk fyrir KA í sumar. Vísir/Stefán

KA vann stórsigur á Breiðabliki í Boganum á Akureyri í leik liðanna í Lengjubikar karla í dag.

Daníel Hafsteinsson byrjaði leikinn með látum þegar hann skoraði fyrsta markið strax á fyrstu mínútu leiksins eftir stoðsendingu Elfars Árna Aðalssteinssonar.

Elfar Árni var svo aftur á ferðinni á 9. mínútu en skoraði sjálfur í þetta skiptið eftir stoðsendingu Steinþórs Freys Þorsteinssonar.

Á 25. mínútu leiksins meiddist Milan Joksimovic, nýr bakvörður KA, mjög illa og þurfti að fara af velli. Hjörvar Sigurgeirsson kom inn á í hans stað.

Áður en flautað var til leikhlés var Aleksandar Trninic búinn að skora þriðja mark KA eftir að Damir Muminovic var rekinn af velli með rautt spjald á 36. mínútu og róðurinn því mjög þungur fyrir 10 leikmenn Blika.

Elfar Árni Aðalsteinsson innsyglaði svo sigurinn úr vítaspyrnu á 62. mínútu.

KA er með fullt hús stiga á toppi riðils 2 fyrir loka umferðina. Ef þeir sigra eða ná í stig gegn Þrótti R um næstu helgi fara Norðanmenn í úrslitin. Breiðablik getur hins vegar enn náð fyrsta sætinu ef Blikar vinna KR og Þróttarar sigra KA.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.