Arsenal á engin svör gegn City

Ástrós Ýr Eggertsdóttir skrifar
Úr leik liðanna um síðustu helgi.
Úr leik liðanna um síðustu helgi. vísir/getty

Manchester City kláraði Arsenal á hálftíma á Emirates vellinum í kvöld í lokaleik 28. umferðar ensku úrvalsdeildarinnar.

Bernando Silva kom City yfir eftir korter, David Silva tvöfaldaði forystuna á 28. mínútu og aðeins fimm mínútum síðar skoraði Leroy Sane þriðja markið.

Með þessum mörkum varð Manchester City fyrsta liðið til þess að komast í 3-0 á útivelli frá stofnun ensku úrvalsdeildarinnar.

Þetta er í annað sinn sem City gengur auðveldlega frá Arsenal á stuttum tíma, en sömu úrslit urðu í viðureign þessara liða í úrslitum deildarbikarsins á sunnudaginn.

Arsenal kom aðeins til baka í seinni hálfleik en náði ekki að klóra í bakkann, þrátt fyrir að Pierre-Emerick Aubameyang hafi fengið gullið tækifæri þegar Arsenal fékk vítaspyrnu snemma í seinni hálfleiknum en hann brenndi af spyrnunni.

City er nú komið aftur með 16 stiga forskot í ensku úrvalsdeildinni þegar 10 umferðir eru eftir.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.