Giroud lagði upp mark þegar Chelsea komst aftur á beinu brautina

Anton Ingi Leifsson skrifar
Sturridge og Hazard fagna í kvöld.
Sturridge og Hazard fagna í kvöld. vísir/getty

Eden Hazard var í stuði þegar Chelsea vann 3-0 sigur á West Bromwich Albion á heimavelli í kvöld. Sigurinn styrkti stöðu Antonio Conte, stjóra Chelsea, en sæti hans er talið afar heitt.

Daniel Sturridge sem gekk í raðir WBA frá Liverpool á dögunum þurfti að fara af velli eftir fjögurra mínútna leik vegna meiðsla. Meiðslasaga hans heldur því áfram.

Eden Hazard kom Chelsea yfir á 25. mínútu eftir stoðsendingu frá nýjasta liðsmanni liðsins, Oliver Giroud, sem var í fyrsta skipti í byrjunarliði Chelsea.

Í síðari hálfleik tvöfaldaði Victor Moses forystuna og Eden Hazard bætti svo við öðru marki sínu og þriðja marki Chelsea áður en leiknum yfir lauk. Lokatölur 3-0.

Þessi sigur slær væntanlega aðeins á þær sögusagnir um að Antonio Conte verði rekinn sem stjóri Chelsea, en þeir bláklæddu höfðu tapað síðustu tveimur leikjum.

Chelsea er í fjórða sætinu með 53 stig, en WBA er á botninum með 20 stig, sjö stigum frá öruggu sæti.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.