„Stórvægilegar“ breytingar á Facebook í vændum Stefán Ó. Jónsson skrifar 12. janúar 2018 06:32 Mark Zuckerberg bregst við gagnrýni og boðar breytingar. Vísir/Getty Facebook mun á næstu vikum draga úr náttúrulegri dreifingu færslna frá fyrirtækjum og fjölmiðlum á samfélagsmiðlinum. Minni líkur verða því á að færslu þeirra rati fyrir augu almennra notenda á Facebook. Þess í stað mun samfélagsmiðillinn leggja áherslu á færslur sem vekja upp umræður meðal vina og fjölskyldumeðlima og reyna þannig að tryggja að innlegg með persónulega skírskotun fari ekki framhjá notendum Facebook. Fyrirtæki og fjölmiðlar mega því gera ráð fyrir að vinsældir færslna þeirra muni minnka tilfinnanlega á næstu vikum. Mark Zuckerberg, stofnandi Facebook, segir að þetta sé gert til að bregðast við gagnrýni notenda. Þeim hafi þótt færslur fyrirtækja taka of mikið pláss á fréttaveitunni sinni og að persónulegar færslur vina og vandamanna liðu fyrir það. „Með þessum breytingum býst ég við að fólk muni verja minni tíma á Facebook og að einhver virkni muni minnka,“ er haft eftir Zuckerberg á vef breska ríkisútvarpsins. „En tíminn sem það ver á Facebook verður notendunum vonandi þeim mun dýrmætari fyrir vikið.“ Zuckberg lýsti því í upphafi árs að hann hygðist „laga Facebook“ eftir að hafa setið undir harðri gagnrýni vegna falsfrétta á miðlinum í aðdraganda kosninga síðustu ára. Prófessor í fjölmiðlafræði við Harvard segir að fyrirhugaðar breytingar á Facebook séu „stórvægilegar“ enda muni þær leiða til þess að fréttir, og um leið falsfréttir, rati síður til notenda. Aftur á móti þurfi Facebook að útskýra betur hvaða færslur verða dregnar fram í sviðsljósið og hverjar ekki. Aðeins þær umdeildustu, sem vekja mikið umtal, eða jafnvel umræður innan þeirra hópa sem notandinn skráir sig í? Það liggi ekki fyrir sem stendur. Facebook Mest lesið Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Vonast til að koma dánarbúinu í góðar hendur Neytendur Endurgjöf: Það sem þú átt ekki að gera Atvinnulíf Landa stórum sölusamningi Viðskipti innlent Hagnaður Arion dróst saman um tvo milljarða Viðskipti innlent Sagðir vilja frekar loka TikTok en selja Viðskipti erlent Hefja úthlutun lóða í Vatnsendahvarfi Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Facebook mun á næstu vikum draga úr náttúrulegri dreifingu færslna frá fyrirtækjum og fjölmiðlum á samfélagsmiðlinum. Minni líkur verða því á að færslu þeirra rati fyrir augu almennra notenda á Facebook. Þess í stað mun samfélagsmiðillinn leggja áherslu á færslur sem vekja upp umræður meðal vina og fjölskyldumeðlima og reyna þannig að tryggja að innlegg með persónulega skírskotun fari ekki framhjá notendum Facebook. Fyrirtæki og fjölmiðlar mega því gera ráð fyrir að vinsældir færslna þeirra muni minnka tilfinnanlega á næstu vikum. Mark Zuckerberg, stofnandi Facebook, segir að þetta sé gert til að bregðast við gagnrýni notenda. Þeim hafi þótt færslur fyrirtækja taka of mikið pláss á fréttaveitunni sinni og að persónulegar færslur vina og vandamanna liðu fyrir það. „Með þessum breytingum býst ég við að fólk muni verja minni tíma á Facebook og að einhver virkni muni minnka,“ er haft eftir Zuckerberg á vef breska ríkisútvarpsins. „En tíminn sem það ver á Facebook verður notendunum vonandi þeim mun dýrmætari fyrir vikið.“ Zuckberg lýsti því í upphafi árs að hann hygðist „laga Facebook“ eftir að hafa setið undir harðri gagnrýni vegna falsfrétta á miðlinum í aðdraganda kosninga síðustu ára. Prófessor í fjölmiðlafræði við Harvard segir að fyrirhugaðar breytingar á Facebook séu „stórvægilegar“ enda muni þær leiða til þess að fréttir, og um leið falsfréttir, rati síður til notenda. Aftur á móti þurfi Facebook að útskýra betur hvaða færslur verða dregnar fram í sviðsljósið og hverjar ekki. Aðeins þær umdeildustu, sem vekja mikið umtal, eða jafnvel umræður innan þeirra hópa sem notandinn skráir sig í? Það liggi ekki fyrir sem stendur.
Facebook Mest lesið Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Vonast til að koma dánarbúinu í góðar hendur Neytendur Endurgjöf: Það sem þú átt ekki að gera Atvinnulíf Landa stórum sölusamningi Viðskipti innlent Hagnaður Arion dróst saman um tvo milljarða Viðskipti innlent Sagðir vilja frekar loka TikTok en selja Viðskipti erlent Hefja úthlutun lóða í Vatnsendahvarfi Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira