Viðreisn og Björt framtíð ræða samvinnu á sveitarstjórnarstigi Aðalheiður Ámundadóttir skrifar 9. janúar 2018 07:30 Pawel Bartoszek og Nichole Leigh Mosty, fyrrverandi stjórnarþingmenn. vísir/vilhelm/pjetur Áhugi er fyrir því bæði innan Viðreisnar og Bjartrar framtíðar að vinna saman að því markmiði að halda íhaldsöflunum frá völdum í þeim sveitarfélögum þar sem það er mögulegt. Þetta herma heimildir Fréttablaðsins. Þannig hafa forystumenn innan Viðreisnar og Bjartrar framtíðar átt óformleg samtöl um samstarf í borginni og í öðrum stærstu sveitarfélögum landsins; Hafnarfirði, Kópavogi, Akureyri og mögulega í Reykjanesbæ. Fátt er þó um fína drætti þegar kemur að frambjóðendum fyrir flokkana tvo, þótt mörgum nöfnum hafi verið haldið á lofti í umræðunni. Samkvæmt heimildum Fréttablaðsins gefa sitjandi borgarfulltrúar Bjartrar framtíðar ekki kost á sér í forystusæti fyrir flokkinn í Reykjavík. Nichole Leigh Mosty er hins vegar sögð mjög líkleg. „Ég er að hugsa um það en ekki endanlega búin að gefa það út,“ segir Nichole, aðspurð um framboð. Nichole býr í Breiðholti og hefur nýverið tekið við stöðu verkefnastjóra samfélagsþróunar í hverfinu. „Mér finnst mjög spennandi hlutir hafa verið að gerast hér í Breiðholti. Það hefur verið svo jákvæð þróun hér og gerjun sem ég myndi vilja að héldi áfram í borginni,“ segir Nichole og bætir við um framboð: „Ég viðurkenni að ég er enn að sleikja sárin eftir reynsluna af þinginu. Ég mætti miklu mótlæti fyrir að vera með, en Björt framtíð skiptir mig mjög miklu máli og ef kallið kemur þaðan, þá er ég til,“ segir Nichole. Nafni Pawels Bartoszek hefur verið haldið á lofti síðan hann datt út af þingi í haust. Að eigin sögn er Pawel að leita sér að starfi og hefur ekki gert upp hug sinn um framboð. Heimildir blaðsins herma að hann muni þó ekki sækjast eftir fyrsta sæti á lista. Hins vegar þykir ekki ólíklegt að María Rut Kristinsdóttir, aðstoðarmaður Þorgerðar Katrínar Gunnarsdóttur, muni sækjast eftir forystu í borginni fyrir Viðreisn. Áður en María hóf að aðstoða Þorgerði Katrínu starfaði hún sem sérfræðingur í dómsmálaráðuneytinu og leiddi meðal annars samráðshóp um meðferð kynferðisbrota í réttarvörslukerfinu. Ekki er að vænta mikillar endurnýjunar hjá Samfylkingunni í Reykjavík en enginn sitjandi borgarfulltrúa flokksins hefur gefið út að hann hyggist hætta. Dagur B. Eggertsson borgarstjóri og Hjálmar Sveinsson hafa setið tvö kjörtímabil en hinir borgarfulltrúarnir, Skúli Helgason, Kristín Soffía Jónsdóttir og Heiða Björg Hilmisdóttir, hafa setið eitt kjörtímabil. Kristín segist þó enn vera að hugsa málið. „Það er bara pínu erfitt að fara í fæðingarorlof í pólitík og koma til baka,“ segir Kristín og tekur dæmi úr borgarpólitíkinni um Sveinbjörgu Birnu, Þorbjörgu Helgu og Oddnýju Sturludóttur. „Ætli maður sé ekki bara svo hræddur við að það hafi áhrif á gengið að hafa farið í fæðingarorlof að maður þorir varla að taka slaginn,“ segir Kristín sem hugsar nú málið í ljósi #metoo-byltingarinnar. Þórlaug Ágústsdóttir hefur formlega gefið kost á sér til forystu fyrir Pírata í borginni en Halldór Auðar Svansson, eini borgarfulltrúi flokksins, hefur gefið út að hann ætli ekki aftur í framboð. Þórlaug hefur verið virk í flokknum lengi og skipaði þriðja sæti á lista flokksins í síðustu borgarstjórnarkosningum. Enn liggur ekki fyrir hverjir gefa kost á sér í leiðtogakjöri Sjálfstæðisflokksins aðrir en Áslaug Friðriksdóttir og Kjartan Magnússon, sitjandi borgarfulltrúar, en framboðsfrestur rennur út á morgun. Eyþór Arnalds liggur enn undir feldi en margir líklegir frambjóðendur hafa helst úr lestinni undanfarna daga. Þannig hafa Unnur Brá Konráðsdóttir og Jón Karl Ólafsson bæði lýst því yfir að þau fari ekki fram, þrátt fyrir fjölda áskorana. Birtist í Fréttablaðinu Stj.mál Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Fólk hafi samband við lögreglu í stað þess að deila sögum á netinu Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Segja ummæli Quang Le tilhæfulaus og ósönn Innlent Fleiri fréttir Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Sjá meira
Áhugi er fyrir því bæði innan Viðreisnar og Bjartrar framtíðar að vinna saman að því markmiði að halda íhaldsöflunum frá völdum í þeim sveitarfélögum þar sem það er mögulegt. Þetta herma heimildir Fréttablaðsins. Þannig hafa forystumenn innan Viðreisnar og Bjartrar framtíðar átt óformleg samtöl um samstarf í borginni og í öðrum stærstu sveitarfélögum landsins; Hafnarfirði, Kópavogi, Akureyri og mögulega í Reykjanesbæ. Fátt er þó um fína drætti þegar kemur að frambjóðendum fyrir flokkana tvo, þótt mörgum nöfnum hafi verið haldið á lofti í umræðunni. Samkvæmt heimildum Fréttablaðsins gefa sitjandi borgarfulltrúar Bjartrar framtíðar ekki kost á sér í forystusæti fyrir flokkinn í Reykjavík. Nichole Leigh Mosty er hins vegar sögð mjög líkleg. „Ég er að hugsa um það en ekki endanlega búin að gefa það út,“ segir Nichole, aðspurð um framboð. Nichole býr í Breiðholti og hefur nýverið tekið við stöðu verkefnastjóra samfélagsþróunar í hverfinu. „Mér finnst mjög spennandi hlutir hafa verið að gerast hér í Breiðholti. Það hefur verið svo jákvæð þróun hér og gerjun sem ég myndi vilja að héldi áfram í borginni,“ segir Nichole og bætir við um framboð: „Ég viðurkenni að ég er enn að sleikja sárin eftir reynsluna af þinginu. Ég mætti miklu mótlæti fyrir að vera með, en Björt framtíð skiptir mig mjög miklu máli og ef kallið kemur þaðan, þá er ég til,“ segir Nichole. Nafni Pawels Bartoszek hefur verið haldið á lofti síðan hann datt út af þingi í haust. Að eigin sögn er Pawel að leita sér að starfi og hefur ekki gert upp hug sinn um framboð. Heimildir blaðsins herma að hann muni þó ekki sækjast eftir fyrsta sæti á lista. Hins vegar þykir ekki ólíklegt að María Rut Kristinsdóttir, aðstoðarmaður Þorgerðar Katrínar Gunnarsdóttur, muni sækjast eftir forystu í borginni fyrir Viðreisn. Áður en María hóf að aðstoða Þorgerði Katrínu starfaði hún sem sérfræðingur í dómsmálaráðuneytinu og leiddi meðal annars samráðshóp um meðferð kynferðisbrota í réttarvörslukerfinu. Ekki er að vænta mikillar endurnýjunar hjá Samfylkingunni í Reykjavík en enginn sitjandi borgarfulltrúa flokksins hefur gefið út að hann hyggist hætta. Dagur B. Eggertsson borgarstjóri og Hjálmar Sveinsson hafa setið tvö kjörtímabil en hinir borgarfulltrúarnir, Skúli Helgason, Kristín Soffía Jónsdóttir og Heiða Björg Hilmisdóttir, hafa setið eitt kjörtímabil. Kristín segist þó enn vera að hugsa málið. „Það er bara pínu erfitt að fara í fæðingarorlof í pólitík og koma til baka,“ segir Kristín og tekur dæmi úr borgarpólitíkinni um Sveinbjörgu Birnu, Þorbjörgu Helgu og Oddnýju Sturludóttur. „Ætli maður sé ekki bara svo hræddur við að það hafi áhrif á gengið að hafa farið í fæðingarorlof að maður þorir varla að taka slaginn,“ segir Kristín sem hugsar nú málið í ljósi #metoo-byltingarinnar. Þórlaug Ágústsdóttir hefur formlega gefið kost á sér til forystu fyrir Pírata í borginni en Halldór Auðar Svansson, eini borgarfulltrúi flokksins, hefur gefið út að hann ætli ekki aftur í framboð. Þórlaug hefur verið virk í flokknum lengi og skipaði þriðja sæti á lista flokksins í síðustu borgarstjórnarkosningum. Enn liggur ekki fyrir hverjir gefa kost á sér í leiðtogakjöri Sjálfstæðisflokksins aðrir en Áslaug Friðriksdóttir og Kjartan Magnússon, sitjandi borgarfulltrúar, en framboðsfrestur rennur út á morgun. Eyþór Arnalds liggur enn undir feldi en margir líklegir frambjóðendur hafa helst úr lestinni undanfarna daga. Þannig hafa Unnur Brá Konráðsdóttir og Jón Karl Ólafsson bæði lýst því yfir að þau fari ekki fram, þrátt fyrir fjölda áskorana.
Birtist í Fréttablaðinu Stj.mál Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Fólk hafi samband við lögreglu í stað þess að deila sögum á netinu Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Segja ummæli Quang Le tilhæfulaus og ósönn Innlent Fleiri fréttir Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Sjá meira