Lífið kynningar

Fjarnemar í FÁ á annað þúsund

Fjölbrautarskólinn í Ármúla kynnir
Fjölbrautaskólinn í Ármúla býður upp á almennt framhaldsskólanám í fjarnámi. Innritun stendur yfir. mynd/FÁ
Fjölbrautaskólinn í Ármúla býður upp á almennt framhaldsskólanám í fjarnámi. Innritun stendur yfir. mynd/FÁ

KYNNING: Fjölbrautaskólinn í Ármúla býður upp á almennt framhaldsskólanám í fjarnámi. Nemendur geta tekið einn áfanga og upp í fullt nám á hverri önn. Innritun stendur til 10. janúar.

Við höfum boðið upp á fjarnám frá árinu 2001. Þetta er vinsæll valmöguleiki og á síðustu önn voru um 1.300 nemendur í fjarnámi við skólann,“ segir Steinunn H. Hafstað, fjarnámsstjóri Fjölbrautaskólans við Ármúla. 

Skráning og greiðsla fer fram á heimasíðu skólans til 10. janúar. Á síðunni kemur fram hvaða áfangar eru í boði og lýsing á þeim. Þurfi fólk aðstoð við að finna út hvaða áfanga það þarf að taka býðst þeim ráðgjöf frá skólanum.

„Námið er sett upp í kennslukerfinu Moodle og hefur nemandi þar aðgang að kennurum, verkefnum og prófum og því námsefni sem ekki þarf að kaupa. Í kerfinu er einnig ítarefni, myndbönd og hljóðupptökur og þá fær hver nemandi námsáætlun og skilaáætlun verkefna yfir önnina. Í lok annar eru próf og þá þarf nemandinn að mæta í skólann eða á einhvern stað hann býr ekki á höfuðborgarsvæðinu eða erlendis,“ segir Steinunn.

Hverjir sækja fjarnám?

„Afar fjölbreyttur hópur nýtir sér fjarnámið á nánast öllum aldri. Til dæmis nemendur í framhaldsnámi sem þurfa að endurtaka áfanga eða vilja flýta fyrir sér. Einnig nemendur sem lokið hafa starfsnámi og þurfa að bæta við sig til stúdentsprófs og nemendur sem þegar hafa lokið stúdentsprófi en þurfa að bæta við áföngum til að uppfylla inntökuskilyrði háskóla. Stór hluti nemenda í fjarnámi er fólk sem hefur nám að nýju efir hlé. Þá erum við með stóran hóp nemenda í 9. og 10. bekk grunnskóla sem taka áfanga í fjarnámi hjá okkur. Þeir nemendur fá námsefni við hæfi sem fæst metið inn í framhaldsskólana. Það flýtir fyrir krökkunum og gerir grunnskólunum kleift að koma til móts við styrkleika þeirra án þess að þau þurfi að stökkva yfir bekki.“ Að auki býður skólinn upp á fjölbreytt nám á heilbrigðisbrautum.

Aðstoð við heimanám

Öllum nemendum skólans, bæði í dagskóla og fjarnámi, býðst aðstoð við heimanám í námssetri skólans sem opið er á hverjum degi. Aðstoðinni sinna bæði kennarar og nemendur.

Nánari upplýsingar á www.fa.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.