Bílar

Framleiðsla á BMW X7 hafin

Finnur Thorlacius skrifar
Fyrstu eintökin af BMW X7 á færiböndunum í Spartanburg.
Fyrstu eintökin af BMW X7 á færiböndunum í Spartanburg.

Stærsti jeppi sem BMW hefur framleitt fram að þessu er X5 jeppinn sem kom fyrst fram á sjónarsviðið árið 1999. Hann er náttúrulega ekki nógu stór bíll fyrir kaupendur í Bandaríkjunum sem gjarna velja risastóra bíla með þremur sætaröðum og því er BMW nú að koma með mun stærri X7 jeppa á markað.

Hann verður eðlilega framleiddur í Bandaríkjunum, enda stærsti markaðurinn fyrir þennan bíl þar. Verksmiðjan sem jeppinn verður framleiddur í er Spartanburg verksmiðju BMW í S-Karolínuríki og þar er fyrsta framleiðsla á bílnum hafin. Í fyrstu þó aðeins á þeim bílum sem fara nú í heilmiklar prófanir fram að eiginlegri markaðssetningu bílsins sem verður eftir um 12 mánuði.

Í Spartanburg eru framleiddir X5 og X6 jepparnir, auk X3 og X4 jepplinganna. Á meðfylgjandi mynd sést ekki mikið af smáatriðum hvað útlit hans varðar vegna varnarfilmanna sem umlykja bílinn, en búast má við að hann verði að mestu eins og X7 Concept bíllinn sem BMW hefur þegar sýnt.  

Nokkrir X7 eru nú fullsmíðaðir og fara þeir bílar nú í prufanir.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira