Hægt að spila eins og Barcelona í enska boltanum Óskar Ófeigur Jónsson skrifar 11. desember 2017 06:00 David Silva fagnar marki sínu. Vísir/Getty Pep Guardiola er búinn að setja saman enn eitt yfirburðaliðið í fótboltanum. Þetta byrjaði allt saman hjá honum með Barcelona á Spáni, svo færði hann sig yfir til Bayern München í Þýskalandi og nú hefur hann framkvæmt töfra sína hjá City-liðinu í Manchester-borg. Á öllum vígstöðvum hefur hann sett saman lið sem hefur stungið af í deildinni og nú er fyrsti titillinn í augsýn með Manchester City. City liðið er komið með aðra höndina á enska meistaratitilinn eftir fjórtánda deildarsigurinn í röð á Old Trafford í gær. Liðið hefur ellefu stigum meira en United og það eru enn þrettán dagar til jóla. Guardiola hefur gerbreytt leikstíl Manchester City og frískað mikið upp á liðið. Það tók hann eitt tímabil að fá liðið til að ná alvöru tökum á leikstílnum hans en eftir að allir leikmennirnir hans voru farnir að hlaupa í takt þá virðist ekkert lið eiga lengur möguleika í City.Við getum spilað svona bolta „Fólk sagði að það gengi aldrei upp að spila eins og Barcelona í Englandi en það er mögulegt og við erum að gera það. Við getum spilað svona fótbolta í Englandi,“ sagði Pep Guardiola sigurreifur eftir leikinn í gær þar City vann Manchester slaginn 2-1. City vann engan titil á hans fyrsta tímabili með liðið og knattspyrnuspekingarnir voru farnir að tala um að Guardiola stíllinn skilaði ekki sama árangri í enska boltanum og annars staðar. Annað hefur komið á daginn á þessari leiktíð. „Ég vissi það líka á síðasta tímabili og ég hef alltaf haldið trú minni á það. Allir geta spilað sinn fótbolta og þess vegna er fótbolti svona falleg íþrótt. Ég er mjög ánægður með að fara bæði á Stamford Bridge og Old Trafford og vinna með þessum hætti,“ sagði Guardiola. City hefur þegar unnið útileiki sína á móti Manchester United og Chelsea og liðið hefur unnið heimaleikina á móti Liverpool og Arsenal með samtals sjö mörkum. Það eru bara Gylfi Þór Sigurðsson og félagar sem hafa náð að taka stig af City í fyrstu sextán umferðunum. City og Everton gerðu 1-1 jafntefli í fyrsta leik Gylfa 21. ágúst en síðan hefur Manchester City ekki tapað einu einasta stigi í deildinni.Vísir/EPAJöfnuðu met Arsenal Aðeins eitt annað lið hefur náð að vinna fjórtán leiki í röð í efstu deild á Englandi en Arsenal náði því frá febrúar til ágúst 2002. City er því fyrsta liðið sem nær því á einu og sama tímabilinu. „Við unnum þennan leik af því að við vorum betra liðið. Það er enn bara desember en ef við verðum ennþá með ellefu stiga forystu þegar við mætum þeim aftur í apríl þá skal ég kannski segja að við séum komnir með titilinn,“ sagði Guardiola. Manchester City kom í leik draumanna í leikstjórahlutverkinu. United var aðeins með boltann í 35 prósent af leiktímanum sem er það versta hjá liðinu á Old Trafford síðan 2003-04 tímabilið. United spilaði varfærnislegan bolta eins og áður í leikjunum við hin toppliðin. Markið þeirra kom eftir varnarmistök en sömu sögu má segja af mörkum City manna. Bæði City mörkin komu nefnilega eftir misheppnaðar hreinsanir Romelo Lukaku í föstum leikatriðum. David Silva nýtti sér mistökin í fyrsta markinu en í því síðara var argentínski miðvörðurinn Nicolás Otamendi á réttum stað. Romelo Lukaku fékk þó tækifæri til að bæta fyrir mistökin í mörkunum í lokin en Ederson varði frábærlega frá honum og svo aftur frá Juan Mata í frákastinu.Amazing game. Such a big performance from everyone. We go again next week #mancity#KW2pic.twitter.com/Uam2Yalxrs — Kyle Walker (@kylewalker2) December 10, 2017 Líka með heppnina með sér „Það er ótrúlegt að við höfum fengið á okkur þessi tvö mörk sem þeir skoruðu. Þetta voru mörk sem komu upp úr engu eftir fráköst. Við gerðum bæði slæma hluti og góða hluti í þessum leik. Þeir eru mjög gott lið en þeir eru líka með heppnina með sér í liði og ákvarðanirnar féllu með þeim,“ sagði Jose Mourinho. „Ég er viss um að allir munu berjast fyrir stigunum og reyna að minnka forskotið en þeir eru komnir með mjög góða forystu,“ viðurkenndi Mourinho. Svo góða að það þarf nefnilega að endurskrifa söguna til að koma í veg fyrir að City vinni titilinn næsta vor. Ekkert lið hefur klúðrað svo góðri stöðu. Enski boltinn Mest lesið Bakgarðshlaupið í beinni útsendingu Sport Sigríður Á. Andersen varð Íslandsmeistari Sport Markasúpa þegar Liverpool komst á sigurbraut Enski boltinn Í beinni: KA-KR | Tvö lið í brasi mætast Íslenski boltinn Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti Búið að fjarlægja auglýsingarnar af gólfinu í Smáranum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Fleiri fréttir Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ Sjá meira
Pep Guardiola er búinn að setja saman enn eitt yfirburðaliðið í fótboltanum. Þetta byrjaði allt saman hjá honum með Barcelona á Spáni, svo færði hann sig yfir til Bayern München í Þýskalandi og nú hefur hann framkvæmt töfra sína hjá City-liðinu í Manchester-borg. Á öllum vígstöðvum hefur hann sett saman lið sem hefur stungið af í deildinni og nú er fyrsti titillinn í augsýn með Manchester City. City liðið er komið með aðra höndina á enska meistaratitilinn eftir fjórtánda deildarsigurinn í röð á Old Trafford í gær. Liðið hefur ellefu stigum meira en United og það eru enn þrettán dagar til jóla. Guardiola hefur gerbreytt leikstíl Manchester City og frískað mikið upp á liðið. Það tók hann eitt tímabil að fá liðið til að ná alvöru tökum á leikstílnum hans en eftir að allir leikmennirnir hans voru farnir að hlaupa í takt þá virðist ekkert lið eiga lengur möguleika í City.Við getum spilað svona bolta „Fólk sagði að það gengi aldrei upp að spila eins og Barcelona í Englandi en það er mögulegt og við erum að gera það. Við getum spilað svona fótbolta í Englandi,“ sagði Pep Guardiola sigurreifur eftir leikinn í gær þar City vann Manchester slaginn 2-1. City vann engan titil á hans fyrsta tímabili með liðið og knattspyrnuspekingarnir voru farnir að tala um að Guardiola stíllinn skilaði ekki sama árangri í enska boltanum og annars staðar. Annað hefur komið á daginn á þessari leiktíð. „Ég vissi það líka á síðasta tímabili og ég hef alltaf haldið trú minni á það. Allir geta spilað sinn fótbolta og þess vegna er fótbolti svona falleg íþrótt. Ég er mjög ánægður með að fara bæði á Stamford Bridge og Old Trafford og vinna með þessum hætti,“ sagði Guardiola. City hefur þegar unnið útileiki sína á móti Manchester United og Chelsea og liðið hefur unnið heimaleikina á móti Liverpool og Arsenal með samtals sjö mörkum. Það eru bara Gylfi Þór Sigurðsson og félagar sem hafa náð að taka stig af City í fyrstu sextán umferðunum. City og Everton gerðu 1-1 jafntefli í fyrsta leik Gylfa 21. ágúst en síðan hefur Manchester City ekki tapað einu einasta stigi í deildinni.Vísir/EPAJöfnuðu met Arsenal Aðeins eitt annað lið hefur náð að vinna fjórtán leiki í röð í efstu deild á Englandi en Arsenal náði því frá febrúar til ágúst 2002. City er því fyrsta liðið sem nær því á einu og sama tímabilinu. „Við unnum þennan leik af því að við vorum betra liðið. Það er enn bara desember en ef við verðum ennþá með ellefu stiga forystu þegar við mætum þeim aftur í apríl þá skal ég kannski segja að við séum komnir með titilinn,“ sagði Guardiola. Manchester City kom í leik draumanna í leikstjórahlutverkinu. United var aðeins með boltann í 35 prósent af leiktímanum sem er það versta hjá liðinu á Old Trafford síðan 2003-04 tímabilið. United spilaði varfærnislegan bolta eins og áður í leikjunum við hin toppliðin. Markið þeirra kom eftir varnarmistök en sömu sögu má segja af mörkum City manna. Bæði City mörkin komu nefnilega eftir misheppnaðar hreinsanir Romelo Lukaku í föstum leikatriðum. David Silva nýtti sér mistökin í fyrsta markinu en í því síðara var argentínski miðvörðurinn Nicolás Otamendi á réttum stað. Romelo Lukaku fékk þó tækifæri til að bæta fyrir mistökin í mörkunum í lokin en Ederson varði frábærlega frá honum og svo aftur frá Juan Mata í frákastinu.Amazing game. Such a big performance from everyone. We go again next week #mancity#KW2pic.twitter.com/Uam2Yalxrs — Kyle Walker (@kylewalker2) December 10, 2017 Líka með heppnina með sér „Það er ótrúlegt að við höfum fengið á okkur þessi tvö mörk sem þeir skoruðu. Þetta voru mörk sem komu upp úr engu eftir fráköst. Við gerðum bæði slæma hluti og góða hluti í þessum leik. Þeir eru mjög gott lið en þeir eru líka með heppnina með sér í liði og ákvarðanirnar féllu með þeim,“ sagði Jose Mourinho. „Ég er viss um að allir munu berjast fyrir stigunum og reyna að minnka forskotið en þeir eru komnir með mjög góða forystu,“ viðurkenndi Mourinho. Svo góða að það þarf nefnilega að endurskrifa söguna til að koma í veg fyrir að City vinni titilinn næsta vor. Ekkert lið hefur klúðrað svo góðri stöðu.
Enski boltinn Mest lesið Bakgarðshlaupið í beinni útsendingu Sport Sigríður Á. Andersen varð Íslandsmeistari Sport Markasúpa þegar Liverpool komst á sigurbraut Enski boltinn Í beinni: KA-KR | Tvö lið í brasi mætast Íslenski boltinn Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti Búið að fjarlægja auglýsingarnar af gólfinu í Smáranum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Fleiri fréttir Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ Sjá meira