Handbolti

Selfoss hristi af sér baráttuglaða KA-menn

Henry Birgir Gunnarsson skrifar
Patrekur mætti með Selfoss á sinn gamla heimavöll og fór glaður heim.
Patrekur mætti með Selfoss á sinn gamla heimavöll og fór glaður heim. vísir/eyþór
Fyrsta leik kvöldsins í bikarkeppni HSÍ, Coca Cola-bikarnum, er lokið en Selfoss lagði 1. deildarlið KA, 22-29, í skemmtilegum leik fyrir norðan.

Selfoss náði fljótt fjögurra marka forystu og hélt KA í seilingarfjarlægð allan tímann eftir það. Fjölmörgum áhofendum til mikillar gremju.

Heimamenn voru baráttuglaðir og sýndu lipur tilþrif inn á milli en það dugði ekki til gegn hinu sterka liði sem Selfoss teflir fram.

Haukur Þrastarson var markahæstur í liði Selfoss með átta mörk.  Hergeir Grímsson, Ární Steinn Steinþórsson og Einar Sverrisson skoruðu allir fimm mörk.

Dagur Gautason, Áki Egilsnes og Sigþór Árni Heimisson skoruðu allir fjögur mörk fyrir KA.




Fleiri fréttir

Sjá meira


×